ସୌମିତ୍ରି ମେହେର2/11/2024 at 7:46 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟlଳୟ ଅନ୍ତର୍ଭୁକ୍ତ କେନଝିରିଆପାଲି କ୍ଲଷ୍ଟର ସ୍ତରୀୟ ବୈଠକ ରୁଗୁଡ଼ିପାଲି ପ୍ରାଥମିକ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ସିଆରସିସି ବିନୟ କୁମାର ବିଶ୍ୱାଳ ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ବୈଠକରେ କେନଝିରିଆପାଲି କ୍ଲଷ୍ଟର୍ ଅନ୍ତର୍ଗତ ସମସ୍ତ ବିଦ୍ୟାଳୟର ଶିକ୍ଷକ , ଶିକ୍ଷୟିତ୍ରୀ ଯୋଗଦାନ କରିଥିଲେ l ରୁଗୁଡ଼ିପାଲି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଜଗଦିଶ ପ୍ରଧାନ ଆନୁଷ୍ଠାନିକ ଭାବେ ବୈଠକର ଶୁଭ ଉଦ୍ଘାଟନ କରିଥିଲେ । ବୈଠକରେ ଅକ୍ଟୋବର ମାସର ଶୈକ୍ଷିକ କ୍ୟାଲେଣ୍ଡର , ନମୂନା ପାଠ ଯୋଜନା , ଜାତୀୟ ଉପଲବ୍ଧ ସର୍ବେକ୍ଷଣ ଏବଂ ନିପୂଣ ଓଡ଼ିଶା ଉପରେ ଆଲୋଚନା ହୋଇଥିଲା I ବୈଠକରେ କରୁଣା କର ବିଶି , ଦଣ୍ଡଧର ପାତ୍ର , ନବୀନ ସୁନ୍ଦର ଜଗଦଳା , ସ୍ୱର୍ଣ୍ଣଲତା ସାହୁ , ରବୀନ୍ଦ୍ର ନାଥ ସାହୁ , ସଞ୍ଜୟ କୁମାର ମିଶ୍ର , ବିଭୀଷଣ ବିଶ୍ୱାଳ, ହରିଶଙ୍କର ରଣା , ଜଟାଧାରୀ ଖୁରା , ଦାମୋଦର ପଧାନ ଗୋପାଳ ଝାଙ୍କର ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଆଲୋଚନାରେ ଅଂଶଗ୍ରହଣ କରିଥିଲେ । ଶେଷରେ ବଲିପାଲି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସ୍ବର୍ଣ୍ଣଲତା ସାହୁ ଧନ୍ୟବାଦ ଅର୍ପଣ କରିଥିଲେ ।