ସୌମିତ୍ରି ମେହେର2/11/2024 at 7:46 PM
ବୀରମହାରାଜପୁର : (ସୌମିତ୍ରି ମେହେର )
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ଉଫୁଳା ଗ୍ରାମ ରେ ମା ଶ୍ୟାମାକାଳୀ ଙ୍କ ପୂଜା ଚଳିତ ବର୍ଷ 41 ବର୍ଷରେ ପଦାର୍ପଣ କରିଥିବା ବେଳେ ପୂଜା ସକାଶେ ଖୁବ୍ ଚଳଚଞ୍ଚଳ ହୋଇପଡିଛି ଏ ଅଞ୍ଚଳ l ଚାରିଦିନ ଧରି ଆୟୋଜିତ ହେବାକୁଥିବା ଏହି ପୂଜା ପାଇଁ ଗୁରୁବାର କଳସ ଶୋଭାଯାତ୍ରା ହୋଇଥିଲା I ଅର୍ଜୁନ ପଣ୍ଡା ପୂଜାକାର୍ଯ୍ୟ ସମ୍ପାଦନା କରୁଥିବା ବେଳେ ଅଚ୍ୟୁତାନନ୍ଦ ସାହୁ କର୍ତ୍ତା ଦାୟିତ୍ଵ ତୁଲାଉଛନ୍ତି I ଦର୍ଶକ ଙ୍କ ମନୋରଞ୍ଜନ ପାଇଁ ପ୍ରତ୍ୟହ ସନ୍ଧ୍ୟାରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ I ଶୁକ୍ରବାର ରାତିରେ ମିକ୍ସଚର୍ ଦଣ୍ଡ , ଶନିବାର ସଙ୍କୀର୍ତ୍ତନ ବୈଠକ ଅନୁଷ୍ଠିତ ହେବ ଏବଂ ରବିବାର ଭଷାଣୀ ପର୍ବ ରହିଛି ବୋଲି ପୂଜା କମିଟି ପକ୍ଷରୁ ଜଣାପଡିଛି I