ସୌମିତ୍ରି ମେହେର8/11/2024 at 1:44 PM
ବୀରମହାରାଜପୁର : (ସୌମିତ୍ରି ମେହେର)
ସୋନପୁର-ସୁବଳୟା ପୂର୍ତ୍ତ ବିଭାଗ ରାସ୍ତା ଉପରେ ବିଦ୍ୟୁତ ତାର ବିପଦ ପୂର୍ଣ୍ଣ ଅବସ୍ଥାରେ ଝୁଲନ୍ତା ରହିଛି I ତେବେ ବର୍ତ୍ତମାନ ଏହି ରାସ୍ତା କାମ ନିର୍ମାଣ ଚାଲିଥିବାବେଳେ ବାଧା ସୃଷ୍ଟି ହେଉଛି l ରାସ୍ତାର ଗୋବିନ୍ଦପୁର ଛକରୁ ସୁବଳୟା ରାସ୍ତା ମଧ୍ୟ ଭାଗରେ ଥିବା ଏକ ବିଦ୍ୟୁତ ଖମ୍ବ ରୁ ନୂଆପଡ଼ା ଗ୍ରାମକୁ ସଂଯୋଗ କରୁଥିବା ବିଦ୍ୟୁତ ତାର କମ୍ ଉଚ୍ଚରେ ଝୁଲି ରହିଛି I ତାର ସବୁ ରାସ୍ତା ଉପରେ ବିପଦ ସଙ୍କୁଳ ଅବସ୍ଥାରେ ରହିଛି l ଫଳରେ ଏହି ରାସ୍ତା ଦେଇ ଯାନବାହାନ ଯିବା ଆସିବା ବେଳେ ବାଧା ସୃଷ୍ଟି ହେଉ ଥିବା ବେଳେ ବସ ଯାତ୍ରୀମାନେ ନିଜକୁ ଅସୁରକ୍ଷିତ ମଣୁଛନ୍ତି l ଯଥାଶିଘ୍ର ବିଦ୍ୟୁତ ବିଭାଗ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି l