ସୌମିତ୍ରି ମେହେର14/11/2024 at 3:04 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବାଳକ ଉଚ୍ଚ ବିଦ୍ୟାଳୟ ରେ ଏକ ନିଆରା ଢଙ୍ଗରେ ଶିଶୁଦିବସ ପାଳନ କରାଯାଇଛି । ପରମ୍ପରା ହିସାବରେ ଏହି ଦିନରେ ପୁରାତନ ଛାତ୍ରଙ୍କୁ ଅତିଥି ଭାବେ ନିମନ୍ତ୍ରିତ ଓ ସମ୍ବର୍ଦ୍ଧିତ କରିବା ର ପରମ୍ପରା ରହି ଆସିଛି । ଏହିକ୍ରମ ରେ ଆଜିର ଅତିଥି ଭାବେ ବୀରମହାରାଜପୁର ମହାବିଦ୍ୟାଳୟ ର ରାଜନୀତି ବିଜ୍ଞାନ ର ସେବା ନିବୃତ୍ତ ବିଭାଗୀୟ ମୁଖ୍ୟ କୁଞ୍ଜବନ ମେହେର , ଜୁଭେନାଇଲ ଜଷ୍ଟିସ ବୋର୍ଡ, ବୌଦ୍ ର ସଦସ୍ୟ ଆଡଭୋକେଟ ରାଧାକାନ୍ତ ବାଘ , ସ୍ଥାନୀୟ ଉପଜିଲ୍ଲପାଳ କାର୍ଯ୍ୟାଳୟ ର ଗିରିଧାରୀ ହୋତା , ରାଜ୍ୟ ସ୍ତରରେ ବେଷ୍ଟ ସି ଆର ସି ସି ଭାବେ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପାଇଥିବା ଶିକ୍ଷକ ମନୋଜ ଦାଶ ପ୍ରମୁଖ ମଞ୍ଚାସିନ ହୋଇ ଛାତ୍ର ମାନଙ୍କୁ ବିଦ୍ୟାଳୟ ସହ ଜଡ଼ିତ ସେମାନଙ୍କର ଅନୁଭୂତି ର ସ୍ମୃତିଚାରଣ କରିଥିଲେ । ପ୍ରଧାନ ଶିକ୍ଷକ ନିରଞ୍ଜନ ଦାଶ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭା ରେ ଶିକ୍ଷକ ବୈକୁଣ୍ଠ ନାୟକ ସ୍ବାଗତ ଭାଷଣ ଦେଇଥିବା ବେଳେ ସାଂସ୍କୃତିକ ପ୍ରମୁଖ ଜ୍ୟୋତି ବେହେରା ଧନ୍ୟବାଦ୍ ଅର୍ପଣ କରିଥିଲେ । କଣ୍ଠଶିଳ୍ପୀ ପୀତବାସ ଶତପଥୀ ଓ ଗିରିଧାରୀ ହୋତା ଙ୍କ ସଙ୍ଗୀତ ପରିବେଷଣ ମନଛୁଆଁ ହୋଇଥିଲା । ପୁରାତନ ଛାତ୍ରଙ୍କୁ ବିଦ୍ୟାଳୟ ସହ ଯୋଡିବା ର ଏହି ପ୍ରୟାସ କୁ ଜନସାଧାରଣ ଓ ବୁଦ୍ଧିଜୀବି ମାନେ ପ୍ରଶଂସା କରିଛନ୍ତି l