ସୌମିତ୍ରି ମେହେର14/11/2024 at 5:41 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ କୋଟସମଲାଏ ଶ୍ରୀ ଜଗନ୍ନାଥ ଏକାଡେମୀ ହାଇସ୍କୁଲ ଠାରେ ଆଜି ଏକ ଦିବସୀୟ ହସ୍ତଶିଳ୍ପ ପ୍ରଦର୍ଶନୀ କାର୍ଯ୍ୟକ୍ରମ , ଶିଶୁ ଦିବସ ଓ ନେହେରୁ ଙ୍କ ଜନ୍ମ ଜୟନ୍ତୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଛାତ୍ରଛାତ୍ରୀ ମାନଙ୍କ ଅନ୍ତର୍ନିହିତ କଳା କୌଶଳ କୁ ଏଠାରେ ପ୍ରଦର୍ଶନ କରିଥିଲେ। ଆୟୋଜିତ ପ୍ରଦର୍ଶନୀ କୁ ଶ୍ରୀ ଜଗନ୍ନାଥ ଏକାଡେମୀ ହାଇସ୍କୁଲ ର ପ୍ରଧାନ ଶିକ୍ଷୟିତ୍ରୀ ଶୋଭାସିନୀ ମିଶ୍ର ଉଦଘାଟିତ କରିଥିବା ବେଳେ ବିଜୟ କୁ ହୋତା ଓ ରାଜକୁମାର ମିଶ୍ର ମୂଲ୍ୟାୟନ ଦାୟିତ୍ୱ ତୁଲାଇଥିଲେ । ଏହାପରେ ସମସ୍ତ ଶିକ୍ଷକ, ଶିକ୍ଷୟିତ୍ରୀ ଅଭିଭାବକ, ଛାତ୍ରଛାତ୍ରୀ ପ୍ରଦର୍ଶନୀ ବୁଲି ଦେଖିଥିଲେ । ଏନେଇ ଆୟୋଜିତ ସଭାରେ ପ୍ରଧାନ ଶିକ୍ଷୟିତ୍ରୀ ସଭାପତିତ୍ୱ କରିଥିଲେ । ସଭାକୁ ଅନିରୁଦ୍ଧ ପାଢ଼ୀ ପରିଚାଳନା କରିଥିଲେ। ଶିକ୍ଷକ ତଥା ଯୁବ କବି ଶଙ୍ଖସିନ୍ଧୁ ପୁରୋହିତ” ଶିଶୁ ହିଁ ରାଷ୍ଟ୍ର ର ସମ୍ପଦ” ଉପରେ ଅଭିଭାଷଣ ରଖିଥିଲେ। ଏହା ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଯାହାକୁ ଶିକ୍ଷକ ମହେଶ ଦେହେରୀ , ପ୍ରଶାନ୍ତ ସାହୁ ପରିଚାଳନା କରିଥିଲେ । ମଣ୍ଡଳ ବିଜ୍ଞାନ ସମ୍ପାଦକ ସୁଧୀର କୁମାର ହୋତା , ଶିକ୍ଷକ ଅମିତ ପାତ୍ର , ହୃଷିକେଶ ପଧାନ ପୁରସ୍କାର ବିତରଣ କରି କୃତୀ ଛାତ୍ରଛାତ୍ରୀ ଙ୍କୁ ଉତ୍ସାହିତ କରିଥିଲେ । ଶେଷରେ ସଂସ୍କୃତ ଶିକ୍ଷକ ପ୍ରଫୁଲ୍ଲ ସାହୁ ଧନ୍ୟବାଦ ଅର୍ପଣ କରିଥିଲେ ।