ଓଡ଼ିଶା ଡଟ୍ ନ୍ୟୁଜ୍

23/11/2024 at 2:43 PM

ରାଞ୍ଜି: ଚାଲିଛି ଝାଡ଼ଖଣ୍ଡ ବିଧାନସଭା ନିର୍ବାଚନର ଭୋଟ ଗଣତି । ଫଳାଫଳକୁ ନେଇ ଆସିଛି ବଡ଼ ଟ୍ୱିଷ୍ଟ୍ । ବିଜେପି ନେତୃତ୍ୱାଧୀନ ଏନଡିଏ ମେଣ୍ଟକୁ ପଛରେ ପକାଇ ଆଗେଇ ଚାଲିଛି ଇଣ୍ଡି ମେଣ୍ଟ । ଇଣ୍ଡିଆ ବ୍ଲକ୍ ମ୍ୟାଜିକ୍ ନମ୍ବର ପାର୍ କରି ୫୧ଟି ଆସନରେ ଆଗରେ ରହିଛି ।

ସକାଳ ୮ ଟାରୁ ଭୋଟ୍ ଗଣତି ଆରମ୍ଭ ହେବା ପରେ ବିଜେପି ଲିଡରେ ରହିଥିଲା । କିନ୍ତୁ ପରବର୍ତ୍ତୀ ସମୟରେ ଶାସକ ଜେଏମମ କମ୍-ବ୍ୟାକ୍ କରି ଇଣ୍ଡି ମେଣ୍ଟକୁ ଦୃଢ ସ୍ଥିତିରେ ପହଞ୍ଚାଇଛି । 

ଇଣ୍ଡିଆ ବ୍ଲକରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ), କଂଗ୍ରେସ ଏବଂ ରାଷ୍ଟ୍ରୀୟ ଜନତା ଦଳ (ଆରଜେଡି) ଆଗରେ ଅଛନ୍ତି । ମୋଟ ୮୧ଟି ଆସନ ମଧ୍ୟରୁ ଇଣ୍ଡି ମେଣ୍ଟ ୫୧ଟି ଆସନରେ ଆଗରେ ଥିବାବେଳେ ଏନଡିଏ ୨୮ଟି ଆସନରେ ଲିଡ୍ କରୁଛି ।

ଝାଡ଼ଖଣ୍ଡ ବିଧାନସଭା ପାଇଁ ସଂଖ୍ୟା ଗରିଷ୍ଠତା ବା ମ୍ୟାଜିକ୍ ନମ୍ବର ହେଉଛି ୪୧ । ପ୍ରଥମ ପର୍ଯ୍ୟାୟ ଭୋଟ୍, ନଭେମ୍ବର ୧୩ରେ ୪୩ଟି ଆସନ ପାଇଁ ହୋଇ ଥିବାବେଳେ ଦ୍ୱିତୀୟ ପର୍ଯ୍ୟାୟ ନଭେମ୍ବର ୨୦ରେ ୩୮ଟି ଆସନ ପାଇଁ ଭୋଟ୍ ପଡ଼ିଥିଲା ।