ସୌମିତ୍ରି ମେହେର6/12/2024 at 4:32 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଜୁ ପଟ୍ଟନାୟକ ମିନି ଷ୍ଟାଡିଅମ ଠାରେ ବୀରମହାରାଜପୁର ଧନୁଯାତ୍ରା ର ଶୁଭସ୍ତମ୍ଭ ସ୍ଥାପନ ହୋଇଯାଇଛି l ଧନୁଯାତ୍ରା ଆୟୋଜକ କମିଟି ସଭାପତି କିଶୋର ହୋତା ଙ୍କ ନେତୃତ୍ୱ ରେ ତୃତୀୟ ଥର ପାଇଁ ଆସନ୍ତା ୨ ଜାନୁୟାରୀ ୨0୨୫ ଠାରୁ ୮ ଜାନୁୟାରୀ ୨0୨୫ ପର୍ଯ୍ୟନ୍ତ ଧନୁଯାତ୍ରା ଅନୁଷ୍ଠିତ ହେବାକୁ ଯାଉଛି l ଆଜି ଏହି ଉପଲକ୍ଷେ ଭୂମି ପୂଜନ ସହ ଶୁଭସ୍ତମ୍ଭ ସ୍ଥାପନ କରାଯାଇଥିଲା l ପୂଜକ ରବିଚନ୍ଦ୍ର ପୁରୋହିତ ଭୂମି ପୂଜନ କରିଥିଲେ I ପୂର୍ବତନ ବ୍ଲକ ଅଧ୍ୟକ୍ଷ ସ୍ଵୟମ୍ଭୁ ନାଥ ଖଣ୍ଡଗିରି , ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ଚମ୍ପମାଲ ସରପଞ୍ଚ ମହେନ୍ଦ୍ର ଜଗଦଲା , ସମିତି ସଭ୍ୟ ଲକ୍ଷ୍ମୀ ନାରାୟଣ ପୁରୋହିତ , ବ୍ଲକ କଳାକାର ସଙ୍ଘ ସଭାପତି ରାମକୃଷ୍ଣ ହୋତା , ଆଇନଜୀବୀ ପ୍ରଦୀପ ମିଶ୍ର , ଯୁଧିଷ୍ଠିର ସାହୁ , ଆଶ୍ରୟ ମହାନନ୍ଦ , ମେଘନାଦ ଭୋଇ , ଶୁଭମ ପ୍ରୀତମ ହୋତା , ଚିନ୍ମୟ ସାହୁ , ରାଧା ଚରଣ. ମେହେର , ସୁରୁବାବୁ ସାହୁ , ପ୍ରକାଶ ପଧାନ , କିଶୋର ଭୋଇଙ୍କ ସମେତ ଯାତ୍ରା କମିଟି ର ସମସ୍ତ ସଦସ୍ୟ ସାମିଲ ଥିଲେ l ଚଳିତ ବର୍ଷ ଏକ ସ୍ମରଣିକା ପ୍ରକାଶ ପାଇବା ସହ ମୀନାବଜାର ସାଙ୍ଗକୁ ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଧନୁଯାତ୍ରା ଆୟୋଜକ କମିଟି ସଭାପତି କିଶୋର ହୋତା ସୂଚନା ପ୍ରଦାନ କରିଛନ୍ତି l