ସୌମିତ୍ରି ମେହେର6/01/2025 at 1:19 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତା ପଞ୍ଚାୟତ ବରଘାଟ ଗ୍ରାମ ଖେଳ ପଡ଼ିଆରେ ସ୍ଥାନୀୟ ଯୁବକ ସଂଘ ଆନୁକୂଲ୍ୟରେ ଚତୁର୍ଥ ମା’ ମାହେଶ୍ୱରୀ କ୍ରିକେଟ ଟୁର୍ଣ୍ଣାମେଣ୍ଟ ଶନିବାର ଦିନ ଉଦଘାଟିତ ହୋଇଯାଇଛି । ଉଦଘାଟନୀ ଉତ୍ସବ ରେ ଖଣ୍ଡହତା ସ୍ଥିତ ଇନ୍ଦିରାଗାନ୍ଧୀ ହାଇସ୍କୁଲ ର ଅବସରପ୍ରାପ୍ତ ପ୍ରଧାନ ଶିକ୍ଷକ ଆଖୋଜ କୁମାର ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ। ଉଦଘାଟନୀ ମ୍ୟାଚ୍ ଟି ସୁବଳୟା ଓ ଜଟେସିଂହା ମଧ୍ୟରେ ହୋଇଥିଲା। ସୁବଳୟା ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର ରେ ୭ ଉଇକେଟ ହରାଇ ୭୨ ରନ କରିଥିଲା । ଦଳର ପପୁନ ୩୫ ରନ ଓ ସୌରଭ ୧୪ ରନ କରିଥିଲେ । ଜବାବରେ ଆବଶ୍ୟକୀୟ ୭୩ ରନ କୁ ଅରୂପ ଙ୍କ ୩୯ ଓ ପ୍ରକାଶ ଙ୍କ ୩୦ ରନ ସହାୟତା ରେ ସଂଗ୍ରହ କରି ଜଟେସିଂହା ଦଳ ବିଜୟୀ ହୋଇଥିଲା । ଜଟେସିଂହା ର ଅରୂପ ଙ୍କୁ ମ୍ୟାନ ଅଫ ଦି ମ୍ୟାଚ୍ ଭାବେ ପୁରସ୍କୃତ କରାଯାଇଥିଲା। ମ୍ୟାଚ୍ ଟି ରେ ଖଗେଶ୍ବର ହଂସ ଓ ପିଣ୍ଟୁ ବିଶ୍ଵାଳ ଅମ୍ପାୟାର ଭାବେ ଖେଳ ପରିଚାଳନା କରିଥିବା ବେଳେ ରିଙ୍କୁ ବିଶ୍ଵାଳ ସ୍କୋରିଙ୍ଗ ଏବଂ ରାଜେଶ କର ଧାରାବିବରଣୀ ପ୍ରଦାନ କରିଥିଲେ l