ସୌମିତ୍ରି ମେହେର11/01/2025 at 6:08 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବହଳପଦର ପଞ୍ଚାୟତ ର ବିଶାଳପାଲି ସ୍କୁଲ ଖେଳପଡିଆ ରେ ବିଶାଳପାଲି , ପାତ୍ରପାଲି ଓ ଚିଙ୍ଗିରାନାଲି ର ମିଳିତ ଆନୁକୁଲ୍ୟରେ ହେଉଥିବା ୧୧ତମ ଜୟ ଜଗନ୍ନାଥ କ୍ରିକେଟ ଟୁର୍ଣ୍ଣାମେଣ୍ଟର ଶୁକ୍ରବାର ଥିଲା ତୃତୀୟ ଦିବସ । ଶୁକ୍ରବାର ଦୁଇଟି ମ୍ୟାଚ୍ ଖେଳା ଯାଇଥିଲା। ପ୍ରଥମ ମ୍ୟାଚ୍ ଟି ଖଣ୍ଡହତା ଓ ତ୍ରିବଣପୁର ମଧ୍ୟରେ ହୋଇଥିଲା । ଏଥିରେ ଖଣ୍ଡହତା ଦଳ ପ୍ରଥମେ ବ୍ୟାଟିଂ କରି ୭୮ ରନ କରିଥିଲା। ଜବାବରେ ତ୍ରିବଣପୁର ଦଳ ୬୩ ରନ କରି ପରାସ୍ତ ହୋଇଥିଲା । ଦ୍ଵିତୀୟ ମ୍ୟାଚ ଟି ଡ଼ଙ୍ଗାପାଳ ଓ ଉଫୁଲା ମଧ୍ୟରେ ଖେଳ ହେବl କଥା କିନ୍ତୁ ଡ଼ଙ୍ଗାପାଳ ଦଳ ନ ଆସିବାରୁ ଖଣ୍ଡହତା ଦଳକୁ ୱାକଓଭର ଦିଆଗଲା l ତେଣୁ ଖଣ୍ଡହତା ଓ ଉଫୁଲା ମଧ୍ୟରେ ହୋଇଥିଲା । ଏଥିରେ ଖଣ୍ଡହତା ପ୍ରଥମେ ବ୍ୟାଟିଂ କରି ୧୧୧ ରନ କରିଥିଲା । ଜବାବରେ ଉଫୁଲା ଦଳ ୧୧୨ରନ କରି ବିଜୟୀ ହୋଇ ସେମିଫାଇନାଲ ରେ ପହଁଚିଛି l ପରେ ପୁରସ୍କାର ବିତରଣୀ ଉତ୍ସବ ରେ ପ୍ରାଣବନ୍ଧୁ ସାହୁ ଯୋଗଦେଇ ଉଫୁଲା ଦଳ ର ରାଜକୁମାର କୁ ମ୍ୟlନ ଅଫ ଦି ମ୍ୟାଚ ରେ ଟ୍ରଫି ପ୍ରଦାନ କରିଥିଲେ l ଏହି ମ୍ୟାଚ୍ ଗୁଡିକରେ ଲିଙ୍କନ ପ୍ରଧାନ, ସୁବ୍ରତ ଧଳ, ରଞ୍ଜିତ ପ୍ରଧାନ ଓ ଚନ୍ଦନ ପ୍ରଧାନ ଅମ୍ପାୟାର , ଚନ୍ଦନ ପଧାନ, ଅଶୋକ ପଧାନ , ସତ୍ୟବ୍ରତ ଧଳ ସ୍କୋରିଙ୍ଗ ଏବଂ ଖିରୋଦ ପଧାନ ଧାରାବିବରଣୀ ପ୍ରଦାନ କରିଥିଲେ।