ସୌମିତ୍ରି ମେହେର

20/01/2025 at 6:37 PM

ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଦକ୍ଷିଣିପାଳି କ୍ରିକେଟ ପଡିଆରେ 27 ତମ ମା ବୀଣାପାଣି କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l ଏଥିରେ ପlଟୁଆ ପାଲି ଦଳ କୁ ହରାଇ ସୁରଡା ଦଳ ଚାମ୍ପିୟନ ହୋଇଛି I ପ୍ରଥମ ସେମି ଫାଇନାଲରେ ମାଟୁପାଲିକୁ ସୁରଡା ଦଳ 12 ରନରେ ହରାଇ ଥିବା ବେଳେ ଦ୍ଵିତୀୟ ସେମି ଫାଇନାଲରେ ପାଟୁଆପାଲି ଦଳ କୋଟସମଲେଇ ଦଳକୁ 7 ୱାକେଟରେ ହରାଇ ଫାଇନାଲରେ ପହଁଚିଥିଲେ l ଫାଇନାଲ ମ୍ୟାଚଟି 6 ଓଭରରେ ପ୍ରଥମେ ବ୍ୟାଟିଂକରି ସୁରଡା ଦଳ 90 ରନ ସଂଗ୍ରହ କରିଥିଲେ l ଜବାବରେ ପାଟୁଆପାଳି ଦଳ ଆବଶ୍ୟକ ଓଭରରେ 55 ରନ କରିବାକୁ ସକ୍ଷମ ହୋଇଥିଲେ l ଫଳରେ ସୁରଡା ଦଳ କୁ ବିଜୟ ଘୋଷିତ କରାଯାଇଛି I ମ୍ୟାଚ ପରିଚାଳନା କରିଥିଲେ ଶଶୀନ୍ଦ୍ର ଭୁକ୍ତା ଓ ମଧୁସୂଦନ ମାଝୀ l ଧାରାବିବରଣୀ ପ୍ରଦାନ କରିଥିଲେ ରାଜୁ ସୁରୁଜାଲ l ଆୟୋଜିତ ପୁରସ୍କାର ବିତରଣ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ସିଂଢୋଲ ସରପଞ୍ଚ ପ୍ରଦୀପ ଦେହେରି , ମୁଖ୍ୟ ବକ୍ତା ଭାବେ ଆଞ୍ଚଲିକ ମହାବିଦ୍ୟାଳୟ ସିଂଢୋଲ ର ଅଧ୍ୟକ୍ଷ ଶିରୀଶ ଦାଶ , ସମ୍ମାନିତ ଅତିଥି ଭାବେ ସମିତିସଭ୍ୟ ହୃଦାନନ୍ଦ ମେହେର , ସନ୍ତୋଷ ଭୁକ୍ତା , ଅନ୍ତରାମ ଦେହେରି ପ୍ରମୁଖ ଯୋଗଦେଇ ଥିଲେ l ଅତିଥି ମାନଙ୍କ ଦ୍ଵାରା ବିଜେତା ଓ ଉପବିଜେତା ଦଳକୁ ଟ୍ରଫି ସହ ନଗଦ ଅର୍ଥ ରାଶି ଦେଇ ପୁରସ୍କୃତ କରାଯାଇଥିଲା l କାର୍ଯ୍ୟକ୍ରମକୁ ପରିଚାଳନା କରିଥିଲେ ଶମ୍ଭୁରାଜ କର୍ଣ୍ଣ ଏବଂ ଶେଷରେ ଧନ୍ୟବାଦ ଦେଇଥିଲେ l ପ୍ରତ୍ୟୁଷ ସାହୁ ସହଯୋଗ କରିଥିଲେ l କ୍ଲବର ସଭାପତି ରାଜେଶ ଭୁକ୍ତା , ସୁଶୀଲ ସେଠି , ଜିତୁ ଦେହେରି , ସୁମନ୍ତ ମେହେର , ବୁଲୁ ଭୁକ୍ତା ଆଶିଷ ଭୁକ୍ତା ପ୍ରମୁଖ ଉପସ୍ଥିତ ଥିଲେ l