ସୌମିତ୍ରି ମେହେର23/01/2025 at 7:40 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ମାଟୁପାଲି ଖେଳପଡିଆରେ ଆଜି 31 ତମ ବୀର ସୁରେନ୍ଦ୍ର ସାଏ କ୍ଲବର ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ କ୍ଲବର ସଭାପତି ଧବଳେଶ୍ୱର ଭୁକ୍ତା ପରିଚାଳନା କରିଥିବା ବେଳେ କ୍ଲବର ସମ୍ପାଦକ ଶମ୍ଭୁରାଜ କର୍ଣ୍ଣ ବାର୍ଷିକ ବିବରଣୀ ପାଠ କରିଥିଲେ । ଏହି ଅବସରରେ ମୁଖ୍ୟଅତିଥି ଭାବେ ସିଣ୍ଡୋଲ ସରପଞ୍ଚ ପ୍ରଦୀପ ଦେହେରୀ , ସମ୍ମାନିତ ଅତିଥି ଭାବେ ଆଞ୍ଚଳିକ ମହାବିଦ୍ୟାଳୟ ସିଣ୍ଡୋଲ ର ଅଧ୍ୟକ୍ଷ ଶିରୀଶ ଦାଶ , ସମାଜସେବୀ ସନ୍ତୋଷ ଭୁକ୍ତା ଓ ମୁଖ୍ୟବକ୍ତା ଭାବେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଜନାର୍ଦ୍ଦନ ବ୍ରହ୍ମଚାରୀ ଯୋଗ ଦେଇଥିଲେ । ଏହି ଅବସରରେ 16 ଦଳକୁ ନେଇ ଏକ କ୍ରିକେଟ ଟୂର୍ଣ୍ଣାମେଣ୍ଟ ଉଦଘାଟନ ହୋଇଯାଇଛି । ପ୍ରଥମ ମ୍ୟାଚଟି ହାତୀପାହୁଳ ଓ ଘମଣ୍ଡିଆପାଳି ଦଳ ମଧ୍ୟରେ ଅନୁଷ୍ଠିତ ହୋଇଯାଇଛି । ଏଥିରେ ପ୍ରଥମେ ବ୍ୟାଟିଂ କରି ଘମଣ୍ଡିଆପାଳି ଦଳ 8 ଓଭରରେ 99 ରନ ସଂଗ୍ରହ କରିଥିଲେ l ଜବାବରେ ହାତୀପାହୁଳ ଦଳ 48ରନ କରିପାରିଥିଲେ । ଘମଣ୍ଡିଆପାଲି ଦଳ 51 ରନ ରେ ବିଜୟୀ ହୋଇଥିଲା ।