ସୌମିତ୍ରି ମେହେର26/01/2025 at 2:12 PM
ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସରକାରୀ ବାଳକ ହାଇସ୍କୁଲ ରେ 76 ତମ ସାଧାରଣ ତନ୍ତ୍ର ଦିବସ ଆଜି ମହା ସମାରୋହ ରେ ପାଳିତ ହୋଇଯାଇଛି l ପ୍ରଧାନ ଶିକ୍ଷକ ନିରଞ୍ଜନ ଦାଶ ଙ୍କ ସଂଯୋଜନା ରେ ଅନୁଷ୍ଠିତ କାର୍ଯ୍ୟକ୍ରମ ରେ ପୁରାତନ ଛାତ୍ର ତ୍ସଂସଦ ର ସଭାପତି ଶ୍ରୀ ଭୂଷଣ କୁମାର ପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇ ପତାକା ଉତ୍ତୋଳନ କରିବା ସହ ପ୍ୟାରେଡ ରେ ଅଭିବାଦନ ଗ୍ରହଣ କରିଥିଲେ l ବିଦ୍ୟାଳୟ ର ସ୍କାଉଟ, ଜୁନିଅର ରେଡ଼କ୍ରସ ଓ ସିଭିଲିଆନ ଦଳ ପ୍ୟାରେଡ ରେ ଅଂଶ ଗ୍ରହଣ କରିଥିଲେ l ସ୍କାଉଟ ଶିକ୍ଷକ ଧର୍ମାନନ୍ଦ ଭୋଇ ଓ ଜୁନିଅର ରେଡ଼କ୍ରସ ଶିକ୍ଷକ ବୈକୁଣ୍ଠ ନାୟକ ପ୍ୟାରେଡ ପରିଚାଳନା କରିଥିବା ବେଳେ ଅନ୍ୟ ଶିକ୍ଷକ କର୍ମଚାରୀ ମାନେ ସହଯୋଗ କରିଥିଲେ l ସେହିପରି ଉପଖଣ୍ଡ ର ସମସ୍ତ ସରକାରୀ ତଥା ବେସରକାରୀ ସ୍କୁଲ କଲେଜ ମାନଙ୍କରେ ଏହି ଦିବସ ପାଳିତ ହୋଇଯାଇଛି l ଏଥି ସହ ବୀରମହାରାଜପୁର ବରିଷ୍ଠ ନାଗରିକ ସଂଗଠନ ରେ ସଂଘର ସଭାପତି ଡ. ପ୍ରଫୁଲ୍ଲ କୁମାର ରଥ ଜାତୀୟ ପତାକା ଉତ୍ତୋଳନ କରିଥିବା ବେଳେ ଉପଖଣ୍ଡ ସାମ୍ବାଦିକ ସଂଘ, ଓକିଲ ସଂଘ କାର୍ଯ୍ୟାଳୟ ତଥା ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟ ରେ ଜାତୀୟ ପତାକା ଉତ୍ତୋଳନ କରାଯାଇଥିଲା l