ସୌମିତ୍ରି ମେହେର27/01/2025 at 4:39 PM
ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସରକାରୀ ବାଳକ ହାଇସ୍କୁଲ ର ବାର୍ଷିକ ଉତ୍ସବ ସୋମବାର ପାଳିତ ହୋଇଯାଇଛି l ଏ ଉପଲକ୍ଷେ ପ୍ରଧାନ ଶିକ୍ଷକ ନିରଞ୍ଜନ ଦାଶ ଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଆଜି ମୁଖ୍ୟ ଅତିଥି ଭାବେ ବୀରମହାରାଜପୁର ମହାବିଦ୍ୟାଳୟର ଅଧ୍ୟକ୍ଷ ଡ଼. ହିମାଂଶୁ ଶେଖର ପାଢ଼ୀ ଓ ମୁଖ୍ୟ ବକ୍ତା ଭାବେ ବିଶିଷ୍ଟ ଐତିହାସିକ ଡ଼. ସୁଦାମ ନାଏକ ଯୋଗ ଦେଇଥିଲେ l ସେହିପରି ସମ୍ମାନିତ ଅତିଥି ଭାବେ ସ୍ଥାନୀୟ ଷ୍ଟେଟ ବ୍ୟାଙ୍କ ର ଶାଖା ପରିଚାଳକ ଲମ୍ବୋଦର ସିଂ, ମୃଶୁଣ୍ଢୀ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ କାଳିଆ କର୍ମୀ , ପୂର୍ବତନ ଶାରୀରିକ ଶିକ୍ଷା ନିରୀକ୍ଷକ ଦୁର୍ୟୋଧନ ରାଉତ ପ୍ରମୁଖ ଯୋଗ ଦେଇଥିଲେ l ପ୍ରାରମ୍ଭରେ ଗୁରୁ ହୃଷିକେଶ ଦାସ ଙ୍କ ନିର୍ଦ୍ଦେଶନା ରେ ଛାତ୍ର ମାନେ ସ୍ୱାଗତ ସଂଗୀତ ଗାନ କରିଥିଲେ l ବରିଷ୍ଟ ଶିକ୍ଷକ ସଦାନନ୍ଦ ପଣ୍ଡା ବାର୍ଷିକ ବିବରଣୀ ପାଠ କରିଥିବା ବେଳେ ଶିକ୍ଷକ ବୈକୁଣ୍ଠ ନାଏକ ସଭା ପରିଚାଳନା କରିଥିଲେ l ଅତିଥିମାନେ ଛାତ୍ର ମାନେ ହିଁ ଦେଶର ଭବିଷ୍ୟତ ଓ ସେମାନଙ୍କ ହାତରେ ଦେଶ ସୁରକ୍ଷିତ ରହିବ ବୋଲି ମତ ବ୍ୟକ୍ତ କରିଥିଲେ l ପୁରସ୍କାର ବିତରଣୀ କାର୍ଯ୍ୟକ୍ରମକୁ ଜ୍ୟୋତିର୍ମୟୀ ବେହେରା ଓ ଜ୍ୟୋତିର୍ମୟୀ ମିଶ୍ର ପରିଚାଳନା କରିଥିଲେ l ଶ୍ରେଷ୍ଠ ଛାତ୍ର ଭାବେ ଶେଷଦେବ ମେହେର ପୁରୁସ୍କୃତ ହୋଇଥିବା ବେଳେ ମହାନଦୀ ହାଉସ ଶ୍ରେଷ୍ଠ ହାଉସ ଓ କ୍ରୀଡାଙ୍ଗାନା କ୍ଲବ ଶ୍ରେଷ୍ଠ କ୍ଲବ ଭାବେ ପୁରସ୍କୃତ ହୋଇଥିଲେ l ସଭା ଶେଷରେ କାଦୋଦର କଲେଜ ର ଆଇ ଟି ଅଧ୍ୟାପକ ଉଦ୍ଧବ ପଧାନ ଙ୍କ ମେଜିକ ସୋ ରେ ଛାତ୍ର ଓ ଅତିଥି ମାନେ ଅଭିଭୂତ ହୋଇଥିଲେ l ପରେ ଛାତ୍ର ମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା l