ସୌମିତ୍ରି ମେହେର27/01/2025 at 8:29 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଠାରେ ହେଉଥିବା ଦ୍ଵି ଦିବସୀୟ ଗ୍ୟାଲେକ୍ସି ବ୍ୟାଡମିଣ୍ଟନ ପ୍ରତିଯୋଗିତା ରବିବାର ଦିନ ମଧ୍ୟ ରାତ୍ରୀରେ ଉଦ୍ଯାପିତ ହୋଇଯାଇଛି । ଏହି ପ୍ରତିଯୋଗିତା ରେ ସୁବର୍ଣ୍ଣପୁର ର ଚିନ୍ତନ ଓ ଦୀପକ ଯୋଡ଼ି, କଣ୍ଟାମାଲର ଟିକୁ ଓ କାହ୍ନା ଯୋଡିକୁ ହରାଇ ଚାମ୍ପିଅନ ହୋଇଛନ୍ତି । ଏହି ବ୍ୟାଡମିଣ୍ଟନ ପ୍ରତିଯୋଗିତାର ଦ୍ଵିତୀୟ ତଥା ଅନ୍ତିମ ଦିବସର ପ୍ରଥମାର୍ଦ୍ଧରେ ସ୍ଥାନୀୟ ବି ଡି ଓ ରାଜୀବ ହାଁସ୍ଦା , ସ୍ଥାନୀୟ ବ୍ଲକ ଉପାଧ୍ୟକ୍ଷ ନାରାୟଣ ଲୁହା ଆତିଥି ଭାବରେ ଯୋଗଦେଇ ପ୍ରଦୀପ ପ୍ରଜ୍ଜ୍ବଳନ ପୂର୍ବକ ମ୍ୟାଚ ଆରମ୍ଭ କରିଥିଲେ । ପରବର୍ତ୍ତି ସମୟରେ ସ୍ଥାନୀୟ ବିଧାୟକ ଇଂ ରଘୁନାଥ ଜଗଦଲା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ପୂର୍ବାହ୍ନ ରେ କନିଷ୍ଠ ମାନଙ୍କର ବ୍ୟାଡମିଣ୍ଟନ ପ୍ରତିଯୋଗିତାର ବିଜେତା ସୁବର୍ଣ୍ଣପୁର ର ଶ୍ରେୟାଶିଷ୍ ସାହୁ ଓ ମିଲନ ମେହେର ଏବଂ ଉପବିଜେତା ଶ୍ରେୟସ ପ୍ରିୟଦର୍ଶୀ ହୋତା ଓ ଅତୁଲ ପଣ୍ଡା ଙ୍କୁ ବିଧାୟକ ଟ୍ରଫି ପ୍ରଦାନ କରିଥିଲେ । ଏହାପରେ ସୁବର୍ଣ୍ଣପୁରର ଅତିରିକ୍ତ ଜିଲ୍ଲାପାଳ ରାଜେନ୍ଦ୍ର ମାଝୀ , ବୀରମହାରାଜପୁର ଉପ ଜିଲ୍ଲାପାଳ ଲଲାଟେନ୍ଦୁ ସି , ସୁବର୍ଣ୍ଣପୁର ଆସିଷ୍ଟାଣ୍ଟ କଲେକ୍ଟର କୃଷ୍ଣ ମୋହନ ସିଂହ ପ୍ରମୁଖ ଅତିଥି ଭାବେ ଯୋଗଦେଇଥିଲେ । ସମସ୍ତ ଅତିଥି ନିଜ ନିଜ କ୍ରୀଡା ବାର୍ତ୍ତା ପ୍ରଦାନ କରିବା ସହିତ ବ୍ୟାଡମିଣ୍ଟନ ଖେଳର ବିକାଶ ପାଇଁ କାମ କରିବେ ବୋଲି କହିଥିଲେ । ଗିରିଧାରୀ ହୋତାଙ୍କ ସଂଯୋଜନାରେ ଆୟୋଜିତ ପୁରସ୍କାର ବିତରଣୀ ଉତ୍ସବରେ ସମ୍ମାନିତ ଅତିଥି ଭାବରେ ବୀରମହାରାଜପୁର ଆସିଷ୍ଟାଣ୍ଟ କଲେକ୍ଟର ନରେନ୍ଦ୍ର କୁମାର ଭୋଇ ଯୋଗଦେଇ ଚାମ୍ପିଅନ ଓ ଉପବିଜେତା ଦଳକୁ ନଗଦ ଅର୍ଥ ରାଶି ସହ ଟ୍ରଫି ପ୍ରଦାନ କରିଥିଲେ । ଏହି ପ୍ରତିଯୋଗିତାରେ ବଲାଙ୍ଗୀର , ବୌଦ୍ଧ , ସୁବର୍ଣ୍ଣପୁର ଓ ସମ୍ବଲପୁର ଜିଲ୍ଲାର ୩୪ ଗୋଟି ବ୍ୟାଡମିଣ୍ଟନ ଟିମ୍ ଅଂଶଗ୍ରହଣ କରିଥିଲେ । ଗାଲେକ୍ସୀ ଟିମ୍ ସଭାପତି ଜଗନ୍ନାଥ ମେହେର (ଜଗା) ଓ ସମ୍ପାଦକ ଜଗନ୍ନାଥ ମେହେର , ସଭ୍ୟ ରାଧାକାନ୍ତ ବାଘ , ଛବିଳ କର୍ଣ୍ଣ , ସତ୍ୟ ବ୍ରତ ପ୍ରଧାନ , ପ୍ରକାଶ ପାତ୍ର , ପ୍ରିୟବ୍ରତ ଜଗଦଲା , ବୃଷକେତୁ ମେହେର , ରମାକାନ୍ତ ମେହେର , ମନୋଜ ଝଙ୍କାର , ମାନସ ମହାକୁର , ଦେବାଶିଷ ପାଣିଗ୍ରାହୀ ପ୍ରମୁଖ ଟୁର୍ଣ୍ଣାମେଣ୍ଟ କୁ ଆୟୋଜନ କରିଥିଲେ । ମ୍ୟାଚ୍ ଗୁଡ଼ିକୁ ଗୋପୀ କର୍ଣ୍ଣ ଓ ଗିରିଧାରୀ ହୋତା ପରିଚାଳନା କରିଥିବା ବେଳେ ବିବିତ୍ର କହଁର ସ୍କୋରର ଭାବରେ କାର୍ଯ୍ୟ ସମ୍ପାଦନ କରିଥିଲେ ।