ସୌମିତ୍ରି ମେହେର27/01/2025 at 9:46 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ମାଟୁପାଲି ଖେଳ ପଡିଆରେ ଚାଲିଥିବା ବୀର ସୁରେନ୍ଦ୍ର ସାଏ କ୍ଲବ ମାଟୁପାଲି ତରଫରୁ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ଏଥିରେ ବରଗାଁ ଦଳ ଚାମ୍ପିୟନ ହୋଇଛି । ମୁଖ୍ୟଅତିଥି ଭାବରେ ବୀରମହାରାଜପୁର ବିଧାୟକ ଇଂ ରଘୁନାଥ ଜଗଦଲା ମୁଖ୍ୟଅତିଥି ଭାବରେ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବରେ ସିଣ୍ଢୋଳ ସରପଞ୍ଚ ପ୍ରଦୀପ ଦେହେରୀ , ରାଧା ଅନୁଷ୍ଠାନ ର ବିନୋଦ ବେହେରା , ସମାଜସେବୀ ସନ୍ତୋଷ ଭୁକ୍ତା , ୱାର୍ଡ ସଭ୍ୟ ସୁରଥ କୁମ୍ଭାର , ଆଞ୍ଚଳିକ ମହାବିଦ୍ୟାଳୟ ସିଣ୍ଢୋଳ ର ଅଧ୍ୟକ୍ଷ ଶିରୀଶ ଦାଶ ଉପସ୍ଥିତ ରହି ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ । ଆଜିର ପ୍ରଥମ ସେମି ଫାଇନାଲରେ ଗୌଡ଼ଗାଁ ଓ ନାକଡେଇଁ ଦଳ ଭିତରେ ଅନୁଷ୍ଠିତ ହୋଇଥିଲା । ଏଥିରେ ନାକଡେଇଁ ବିଜୟୀ ହୋଇଥିବା ବେଳେ ଦ୍ଵିତୀୟ ମ୍ୟାଚ ରେ ବରଗାଁ ଓ ନୂଆଗାଁ ଭିତରେ ଅନୁଷ୍ଠିତ ହୋଇଥିଲା । ଏଥିରେ ବରଗାଁ ବିଜୟୀ ହୋଇ ଫାଇନାଲ ରେ ନାକଡେଇଁ ସହିତ ମୁକାବିଲା କରିଥିଲା । ଏଥିରେ ବରଗାଁ ପ୍ରଥମେ ବ୍ୟାଟିଂ କରି 8 ଓଭର ରେ 105 ରନ ସଂଗ୍ରହ କରି ଥିବାବେଳେ ଜବାବରେ ନାକଡେଇଁ ଦଳ ନିର୍ଦ୍ଧାରିତ ଓଭର ରେ 8 ୱାଇକେଟ ହରାଇ 70 ସଂଗ୍ରହ କରି ପରାସ୍ତ ହୋଇଥିଲା । ମ୍ୟାଚ ଟି ଶଶୀନ୍ଦ୍ର ଭୁକ୍ତା ଓ ନୀଳମଣି ବାଘ ମ୍ୟାଚ ପରିଚାଳନା କରିଥିଲେ l ସଞ୍ଜୟ ପଟ୍ଟନାୟକ ଓ ରାଜକିଶୋର ସୁରୁଜାଲ ଧାରାବିବରଣୀ ପ୍ରଦାନ କରିଥିଲେ । ମନମୋହନ ମିଶ୍ର ଧନ୍ୟବାଦ ଅର୍ପଣ ଦେଇଥିଲେ। ନିରଞ୍ଜନ ମେଲ୍ଲୀ , ଉଦ୍ଧବ ମେଲ୍ଲୀ , କୁଶ ମାଝୀ , ଜୟ ସୁରୁଜାଲ , ପ୍ରଶାନ୍ତ ମେଲ୍ଲୀ , ଦୀପକ ବାଘ ପ୍ରମୁଖ ସହଯୋଗ କରିଥିଲେ।