ସୌମିତ୍ରି ମେହେର28/01/2025 at 12:52 PM
ବୀରମହାରାଜପୁର : (ସୌମିତ୍ରି ମେହେର୍) ବୀରମହାରାଜପୁର ବ୍ଲକ ଅନ୍ତର୍ଗତ ଦୁର୍ଜନତୈଲା ପଞ୍ଚାୟତ ଦାଦରପାଲି ଗାଁ ଠାରେ ଷଷ୍ଠ ତମ ଦାଦରପାଲି କ୍ରିକେଟ କପ ଉଦଘାଟିତ ହୋଇଯାଇଛି l ଉଦଘାଟନୀ ଦିବସରେ ବୀରମହାରାଜପୁର ବ୍ଲକ ଉପାଧକ୍ଷ ନାରାୟଣ ଲୁହା ମୁଖ୍ୟଅତିଥି ଓ ଦୁର୍ଜନତୈଲା ପୂର୍ବତନ ସରପଞ୍ଚ ରଞ୍ଜିତ ଖେତୀ, କ୍ରୀଡ଼ାବିତ ଲମ୍ବୋଦର ମହାକୁର, କାଳିଆ ଘିବିଲା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ l ଉଦଘାଟନୀ ମ୍ୟାଚ ଟି ଘିଚାପାଲି, ହିଲୁଙ୍ଗ,ଭାଲିଆପଦର ଓ ବମରାଜ ମଧ୍ୟରେ ଅନୁଷ୍ଠିତ ହୋଇଥିଲା l ପ୍ରଥମ ମ୍ୟାଚ ରେ ଘିଚାପାଲି ହିଲୁଙ୍ଗ ବିଜୟୀ କରିଥିଲା l କ୍ୱାଟର ଫାଇନାଲ ମ୍ୟାଚ ରେ ଘିଚାପାଲି ଦଳ ହିଲୁଙ୍ଗ କୁ ପରାସ୍ତ କରିଥିଲା l ଦ୍ୱିତୀୟ ଦିବସରେ ଚୌକା ଓ ଗୌଡ଼ଗାଡ଼ ମଧ୍ୟରେ ଅନୁଷ୍ଠିତ ହୋଇଥିଲା l ଚୌକା ପ୍ରଥମେ ବ୍ୟାଟିଙ୍ଗ ନିର୍ଦ୍ଧାରିତ ୧୦ ଓଭର ରେ ୫ ୱାଇକେଟ ହରାଇ ୧୧୬ରନ କରିଥିବା ବେଳେ ଗୌଡ଼ଗାଡ଼ ୧୦ ଓଭରରେ ୮ ୱାଇକେଟ ୮୮ରନ କରି ପରାସ୍ତ ହୋଇଥିଲା l ଦ୍ଵିତୀୟ ମ୍ୟାଚ ଟି ପାତରପାଲି ଓ ନୁଆଁଗଡ ମଧ୍ୟରେ ଅନୁଷ୍ଠିତ ହୋଇଥିଲା l ପାତରପାଲି ଦଳ ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୮ ଓଭର ରେ ୫ ୱାଇକେଟ ହରାଇ ୬୫ ରନ କରିଥିଲା l ଯବାବ ରେ ନୁଆଁଗଡ ୭.୨ଓଭର ରେ ୪ ୱାଇକେଟ ହରାଇ ୬୭ ରନ କରି ବିଜୟୀ ହୋଇଥିଲା l କ୍ୱାଟର ଫାଇନାଲ ମ୍ୟାଚ ରେ ଚୌକା ଓ ନୁଆଁଗଡ ମଧ୍ୟରେ ଅନୁଷ୍ଠିତ ହୋଇଥିଲା l ଚୌକା ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୮ ଓଭର ରେ ୬ ୱାଇକେଟ ବିନିମୟରେ ୯୧ ରନ କରିଥିଲା l ଯବାବ ରେ ନୁଆଁଗଡ ଦଳ ୭ ଓଭର ରେ ୩ ୱାଇକେଟ ହରାଇ ୯୫ ରନ କରି ବିଜୟୀ ହୋଇଥିଲା l ମ୍ୟାଚ ଗୁଡିକ ପିଣ୍ଟୁ ଓ ଅନନ୍ତ ପରିଚାଳନା କରିଥିବା ବେଳେ ଯଦୁମଣି ମହାକୁର ସ୍କୋରିଙ୍ଗ ଦାୟିତ୍ୱ ତୁଲାଇଥିଲେ l