ସୌମିତ୍ରି ମେହେର30/01/2025 at 12:48 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ କେନଝରିଆପାଳି ପଂଚାୟତ ଅଚଣ୍ଡା ସରକାରୀ ପ୍ରକଳ୍ପ ପ୍ରାଥମିକ ବିଦ୍ୟାଳୟ ରେ ବୁଧବାର କ୍ଲଷ୍ଟର ସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ର ଆୟୋଜିତ ସଭାରେ ଆଞ୍ଚଳିକ ସାଧନ କେନ୍ଦ୍ରର ସଂଯୋଜକ ବିନୟ କୁମାର ବିଶ୍ଵାଲ ଅଧ୍ୟକ୍ଷ୍ୟତା କରି ଥିଲେ l କେନଝରିଆପାଲି ଉଚ୍ଚ ପ୍ରାଥମିକ ବିଦ୍ୟାଳୟ ର ବରିଷ୍ଠ ଶିକ୍ଷକ ହରିଶଙ୍କର ରଣା ମୁଖ୍ୟ ଅତିଥି ଭାବେ ଯୋଗଦେଇ ଥିବାବେଳେ ବିଦ୍ୟାଳୟ ର ପରିଚାଳନା କମିଟି ର ସଭାପତି ଅଶୋକ ମହାକୁର ଏବଂ ସ୍ଵେଛାସେଵୀ କୃଷ୍ଣଚନ୍ଦ୍ର କର୍ଣ୍ଣ ସମ୍ମାନୀତ ଅତିଥି ଭାବରେ ଯୋଗଦେଇ ଥିଲେ l ସଭା ପରିଚାଳନା କରିଥିଲେ ବିଦ୍ୟାଳୟ ର ପ୍ରଧାନ ଶିକ୍ଷକ ସଞ୍ଜୟ ମିଶ୍ର l ନିପୁଣ ଓଡିଶା ମେଳା ରେ ସାକ୍ଷରତା ଷ୍ଟଲ , ସଂଖ୍ୟାଜ୍ଞlନ ଷ୍ଟଲ , ସୃଜନାତ୍ମକ ଷ୍ଟଲ ଓ ମତାମତ ଷ୍ଟଲ ଆଦି ନିର୍ମାଣ କରାଯାଇ ଥିଲା l ସେ ବିଷୟରେ ଏଏଫଏଲଏନ ଶିକ୍ଷକ ଶିକ୍ଷୟତ୍ରୀ ମାନଙ୍କ ଦ୍ଵାରା ଆଲୋଚନା ଓ ପ୍ରଦର୍ଶନ କରାଯାଇ ଥିଲା l କାର୍ଯ୍ୟକ୍ରମ ରେ ଶତାଧିକ ଛାତ୍ର ଛାତ୍ରୀ ଓ ଅଭିଭାବକ ଯୋଗ ଦେଇ ଥିବା ବେଳେ ପରିଚାଳନା କମିଟି ର ସମସ୍ତ ସଦସ୍ୟ ସଦସ୍ୟା ସହଯୋଗ କରିଥିଲେ l