ସୌମିତ୍ରି ମେହେର30/01/2025 at 5:17 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଲା ଗ୍ରାମ ପଞ୍ଚାୟତ ଅନ୍ତର୍ଗତ ଦନ୍ତାପାଲି ଠାରେ ଥିବା ନାଇସେଟ୍ କମ୍ପ୍ୟୁଟର ଏକାଡ଼େମୀ ଉନ୍ନତ ମାନର କମ୍ପ୍ୟୁଟର ଶିକ୍ଷା ପାଇଁ ରାଜ୍ୟ ସ୍ତରରେ ପୁରସ୍କୃତ ହୋଇଅଛି। ଭୁବନେଶ୍ଵର ସ୍ଥିତ ରେଳଓ୍ବେ ଅଡିଟୋରିୟମରେ ଠାରେ ରାଜ୍ୟର ସମସ୍ତ କମ୍ପ୍ୟୁଟର ଶିକ୍ଷାନୁଷ୍ଠାନ, ଯେଉଁମାନେ ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ ଅଧୀନରେ ୟୁନିଭରସିଟି ସାର୍ଟିଫିକେଟ କୋର୍ସ୍ ପରିଚାଳନା କରୁଛନ୍ତି , ସେହି ସମସ୍ତ ଉଦ୍ୟୋଗୀ ମାନଙ୍କର ଏକ ରାଜ୍ୟସ୍ତରୀୟ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମ୍ମିଳନୀରେ ବିପିୟୁଟି ର ଭାଇ ଚାନ୍ସେଲର ଡ.ଅମୀୟ କୁମାର ରଥ, ଓକେସିଏଲ୍ ମେନେଜିଂ ଡାଇରେକ୍ଟର ମନୋରଞ୍ଜନ ପୁଥଳ ଅତିଥି ଭାବେ ଯୋଗଦେଇ ସମ୍ମିଳନୀ କୁ ଉଦ୍ଘାଟନ କରିଥିଲେ । ଏହି ସମାବେଶରେ କମ୍ପ୍ୟୁଟର ଶିକ୍ଷାରେ ଶ୍ରେଷ୍ଠତା ପାଇଁ ଦନ୍ତାପାଲି ନାଇସେଟ୍କୁ ମିଳିଥିବା ପୁରସ୍କାର ଏହାର ପରିଚାଳକ ଅନନ୍ତ କୁମାର ପଣ୍ଡା ଗ୍ରହଣ କରିଥିଲେ । ଏହି ପୁରସ୍କାର ଯୋଗୁଁ ଅଞ୍ଚଳରେ ଖୁସିର ଲହରୀ ଖେଳିଯାଇଛି।