ସୌମିତ୍ରି ମେହେର30/01/2025 at 5:36 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ ଏସ୍ ପତ୍ରାପାଲି ପଞ୍ଚାୟତ ଗିନ୍ଦିଲାମାଳ ଠାରେ ଆଜି ବ୍ଲକ ସ୍ତରୀୟ କ୍ରୀଡା ପ୍ରୀତିଯୋଗିତା ଅନୁଷ୍ଠିତ ହୋଇଯାଇଛି । ନେହେରୁ ଯୁବ କେନ୍ଦ୍ର ତଥା ମାଇଁ ଭାରତ ସୋନପୁର ତଥା ଖେଳ ଓ ଯୁବ ବ୍ୟାପାର ମନ୍ତ୍ରଣାଳୟ ଭାରତ ସରକାରଙ୍କ ତତ୍ତ୍ୱାବଧାନ ରେ ବୀର ସୁରେନ୍ଦ୍ର ସାଏ କ୍ଲବ ମାଟୁପାଲି ତରଫରୁ ଏହି ଖେଳ ପ୍ରତିଯୋଗୀତା ଅନୁଷ୍ଠିତ ହୋଇଛି । ଏଥିରେ ହକି ଖେଳରେ ଲମତୁଲ କୁ 5-4 ଟ୍ରାଇବ୍ରେକର ଜରିଆରେ ହରାଇ ଗିନ୍ଦିଲାମାଳ ବିଜୟୀ ହୋଇଥିଲା । 100 ମିଟର ଦୌଡ଼ରେ ମାଟିୟାସ ଭେଙ୍ଗରା ବିଜୟୀ ହୋଇଥିଲେ । ମହିଳା କବାଡି ଦକ୍ଷିଣିପାଲି ଖେଳ ପଡିଆରେ ଅନୁଷ୍ଠିତ ହୋଇଥିଲା । ବ୍ୟାଣ୍ଟମିଟନ ଖେଳରେ ଜ୍ୟୋତି କାନ୍ଦୁଲାନାକୁ ହରାଇ ମିତା ବେହେରା 18-22 ସେଟ ରେ ବିଜୟୀ ହୋଇଥିଲେ । ଧୀରେ ସାଇକେଲ ଚାଳନାରେ ଜାଗା ପୂର୍ତ୍ତି ବିଜୟୀ ହୋଇଥିଲେ । ଠିକ ସେହିପରି ବାଳିକା କବାଡିରେ ଦକ୍ଷିଣିପାଲି କୁ ହରାଇ ମାଟୁପାଲି ବିଜୟୀ ହୋଇଥିଲା l ଗିନ୍ଦିଲାମାଳ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ମକୁନ୍ଦ ମେହେର ଅତିଥିଭାବେ ଯୋଗଦେଇ ପୁରସ୍କୃତ କରିଥିଲେ । ଏହି କାର୍ଯ୍ୟକ୍ରମକୁ ଶମ୍ଭୁରାଜ କର୍ଣ୍ଣ ପରିଚାଳନା କରିଥିବା ବେଳେ ଧବଳେଶ୍ୱର ଭୁକ୍ତା ଧନ୍ୟବାଦ ଅର୍ପଣ ଦେଇଥିଲେ। କୋଚ ଭାବେ ସୁବାଷ ବର୍ଲା ଖେଳ ପରିଚାଳନା କରିଥିଲେ ।