ସୌମିତ୍ରି ମେହେର30/01/2025 at 8:28 PM
ବିରମହlରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଉଚ୍ଚ ବିଦ୍ୟାଳୟର ବାର୍ଷିକ ଉତ୍ସବ ପ୍ରଧାନ ଶିକ୍ଷକ ସ୍ଵର୍ଣ୍ଣଲତା ବେହେରାଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଉକ୍ତ ଉତ୍ସବରେ ବୀରମହାରାଜପୁର ବ୍ଲକ ଅଧ୍ୟକ୍ଷା ଶ୍ରୀମତୀ ଶାନ୍ତି ଲୁହା ମୁଖ୍ୟଅତିଥି ଭାବେ ଓ ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର ମୁଖ୍ୟବକ୍ତା ଭାବେ ଯୋଗ ଦେଇଥିଲେ l ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବରେ ସୁବଳୟା ସମିତି ସଭ୍ୟା ଲିଲି ମେହେର , ମୋ ସ୍କୁଲ ଅଭିଯାନ ସଭାପତି ଶିବ ନାରାୟଣ ମେହେର , ପରିଚାଳନା କମିଟି ସଭାପତି ପ୍ରଦ୍ୟୁମ୍ନ ପୋଢ଼ ପ୍ରମୁଖ ଯୋଗଦାନ କରି ବିଦ୍ୟାଳୟର ସଫଳତା ବିଷୟରେ ପ୍ରଶଂସା କରିବା ସହିତ ଶୃଙ୍ଖଳା ଛାତ୍ରଛାତ୍ରୀମାନଙ୍କୁ ଭଲ ମଣିଷ କରି ଗଢ଼ିତୋଳେ ବୋଲି ମାର୍ଗଦର୍ଶନ କରିଥିଲେ l ସୁବଳୟା ଉଚ୍ଚ ବିଦ୍ୟାଳୟ ଅନେକ ସୁଯୋଗ୍ୟ ଛାତ୍ରଛାତ୍ରୀ ସୃଷ୍ଟି କରିଛି ବୋଲି ମୁଖ୍ୟ ବକ୍ତା ପ୍ରଂଶସା କରିଥବା ବେଳେ ବିଦ୍ୟାଳୟର ଆବଶ୍ୟକତା ପୂରଣ କରାଯିବ ବୋଲି ମୁଖ୍ୟଅତିଥି ପ୍ରକାଶ କରିଥିଲେ l ଏହି କାର୍ଯ୍ୟକ୍ରମକୁ ଶିକ୍ଷୟିତ୍ରୀ ସମ୍ପା ବିଶ୍ୱାଳ ଓ ପଙ୍କଜିନି ମେହେର ପରିଚାଳନା କରିଥବାବେଳେ ଶିକ୍ଷକ ଅରୁଣ କୁମାର ସିଂହ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ l ବରିଷ୍ଠ ଶିକ୍ଷକ ସଦାନନ୍ଦ ରଥ ଧନ୍ୟବାଦ ଅର୍ପଣ କରିଥିଲେ l ବିଦ୍ୟାଳୟର ସଫଳତା ତଥା ଇତିହାସର ଗୁଣଗାନ ପୂର୍ବକ ବିଦ୍ୟାଳୟର ସାଂସ୍କୃତିକ ମୁଖ୍ୟ ଶିକ୍ଷକ ଚନ୍ଦ୍ରମଣି ବାଘ ବିବରଣୀ ପଠନ କରିଥିଲେ l ସଭା ଶେଷରେ କୃତୀ ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା l ଶ୍ରେଷ୍ଠ ଛାତ୍ର ମୟୁରେଶ ମିଶ୍ର , ସ୍କାଉଟରେ ଲଳିତ ଓ ଦିବ୍ୟ , ଜେ. ଆର. ସି ରେ ଛାତ୍ରୀ ଅଙ୍କିତା ମେହେର , ଗାଇଡ଼ରେ ନନ୍ଦିନୀ ମେହେର ଓ ଶ୍ରେଷ୍ଠ ହାଉସ ସୁବାଷ ଚନ୍ଦ୍ର ବୋଷ ପୁରସ୍କୃତ ହୋଇଥିଲେ l ଏହି ଉତ୍ସବରେ ବିଦ୍ୟାଳୟ ସମସ୍ତ ଶିକ୍ଷକ ଶିକ୍ଷୟିତ୍ରୀ ଛାତ୍ରଛାତ୍ରୀ , ଅଭିଭାବକ , ପୁରାତନ ଶିକ୍ଷକ , ଛାତ୍ରଛାତ୍ରୀ , ଜନସାଧାରଣ ଯୋଗ ଦେଇଥିଲେ l