ସୌମିତ୍ରି ମେହେର11/02/2025 at 7:07 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କଳାପଥର କ୍ଲଷ୍ଟରର ନୂଆପାଲି ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଆଜି ସ୍ଥାନୀୟ ବିଦ୍ୟାଳୟ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି l ପ୍ରଧାନଶିକ୍ଷକ ବିଘ୍ନରାଜ କମ୍ପଙ୍କ ସଭାପତିତ୍ୱରେ ଆୟୋଜିତ କାର୍ଯ୍ଯକ୍ରମରେ ମୁଖ୍ୟଅତିଥି ଭାବେ କଳାପଥର କ୍ଲଷ୍ଟର ସି ଆର ସି ସି ରଞ୍ଜନ କୁମାର ଜଗଦଲା ଯୋଗ ଦେଇ ଶିକ୍ଷା ଦ୍ୱାରା କିପରି ଛାତ୍ରଛାତ୍ରୀ ଙ୍କ ସର୍ବାଙ୍ଗୀନ ଉନ୍ନତି ହୋଇପାରେ ଓ ଏକ ସୁସ୍ଥ ସମାଜ ଗଠନ କରାଯାଇପାରେ ସେ ଉପରେ ଆଲୋକପାତ କରିଥିଲେ l ସ୍ଥାନୀୟ ଶିକ୍ଷାବିତ ତଥା ଅବସରପ୍ରାପ୍ତ ପ୍ରଧାନ ଶିକ୍ଷକ ଧ୍ରୁବ ଚରଣ ପଧାନ ମୁଖ୍ୟବକ୍ତା ଭାବେ ଯୋଗ ଦେଇ ଶୈକ୍ଷିକ ମୂଲ୍ୟବୋଧ ଦ୍ୱାରା ଉତ୍ତମ ଚରିତ୍ର କିପରି ଗଠନ କରାଯାଏ ତାହା ପିଲାମାନଙ୍କୁ ପ୍ରାଞ୍ଜଳ ଭାବେ ଆଲୋକପାତ କରିଥିଲେ l ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ର ସଭାପତି ଯୋଗ ଦେଇଥିଲେ l ପୂର୍ବରୁ ଆୟୋଜନ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀଙ୍କୁ ଅତିଥି ମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା l ଛାତ୍ରଛାତ୍ରୀ ଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ କରାଯାଇଥିଲା l ସଭା କାର୍ଯ୍ୟକୁ ଶିକ୍ଷକ ଅଚ୍ୟୁତ ରଣା ପରିଚାଳନା କରିଥିଲେ l ବିଦ୍ୟାଳୟ ର ବରିଷ୍ଠ ଶିକ୍ଷୟିତ୍ରୀ ସୌଦାମିନୀ ମେହେର ବାର୍ଷିକ ବିବରଣୀ ପଠନ କରିଥିବା ବେଳେ ଶିକ୍ଷୟିତ୍ରୀ ନିବେଦିତା ଅମାତ ଅତିଥି ପରିଚୟ ପ୍ରଦାନ କରିଥିଲେ l ଶିକ୍ଷୟିତ୍ରୀ ସ୍ମୃତିପ୍ରଭା ପାଢ଼ୀ ସାଂସ୍କୃତିକ କାର୍ଯ୍ୟକ୍ରମର ପରିଚାଳନା କରି ଥିଲେ l ଶେଷରେ ବରିଷ୍ଠ ଶିକ୍ଷକ ପୀତବାସ ରଥ ଧନ୍ୟବାଦ ଅର୍ପଣ ଦେଇଥିଲେ।