ସୌମିତ୍ରି ମେହେର28/02/2025 at 8:22 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ବିଭିନ୍ନ ଶିକ୍ଷାନୁଷ୍ଠାନରେ ଜାତୀୟ ବିଜ୍ଞାନ ଦିବସ ଶୁକ୍ରବାର ପାଳିତ ହୋଇଯାଇଛି । ମହାନ ବୈଜ୍ଞାନିକ ଚନ୍ଦ୍ରଶେଖର ଭେଙ୍କଟରମଣ ଏହି ଦିନ ତାଙ୍କର ପୃଥିବୀ ପ୍ରସିଦ୍ଧ ‘ରମଣ ପ୍ରଭାବ’ ଆବିଷ୍କାର କରିଥିବାବେଳେ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀ ତାଙ୍କୁ ମନେ ପକାଇବା ସହ ସମାଜ ଓ ମାନବ ଜୀବନ ପ୍ରତି ବିଜ୍ଞାନର ଅବଦାନ ସମ୍ପର୍କରେ ଆଲୋଚନା କରିଥିଲେ । ଏ ଅବସରରେ ଆଜି କେନ୍ଦୁପାଲି ଉନ୍ନୀତ ଉଚ୍ଚ ବିଦ୍ୟାଳୟରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଧାନ ଶିକ୍ଷୟିତ୍ରୀ ଇନ୍ଦିରା ମିଶ୍ର ଅଧ୍ୟକ୍ଷତା କରିଥିଲେ । ଶିକ୍ଷକ ସିତାଂଶୁ ଶେଖର ଖମାରୀ ସଭାର ସଂଯୋଜନା କରିଥିଲେ। ବିଜ୍ଞାନ ଭିତ୍ତିକ ଚିତ୍ରାଙ୍କନ ପ୍ରତିଯୋଗିତାରେ ଅଷ୍ଟମ ଶ୍ରେଣୀର କାହ୍ନା ମେହେର ପ୍ରଥମ, ସପ୍ତମ ଶ୍ରେଣୀର ମହେଶ ମେହେର ଦ୍ଵିତୀୟ ଓ ଷଷ୍ଠ ଶ୍ରେଣୀର ରୋହନ ମେହେର ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । ଆର୍ତ୍ତତ୍ରାଣ ବିଶି , ଅର୍ପିତା ହୋତା , ଅମରେଶ ତ୍ରିପାଠୀ , ରଶ୍ମିତା ମେହେର , ଦେବାଶିଷ ମିଶ୍ର ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଏଥିରେ ସହଯୋଗ କରିଥିଲେ । ଶିକ୍ଷକ ଦିବ୍ୟରଞ୍ଜନ ସାହୁ ଧନ୍ୟବାଦ ଅର୍ପଣ କରିଥିଲେ । ସେହିଭଳି ଆଜି ବଡକିରlସିରା ଉନ୍ନୀତ ଉଚ୍ଚ ବିଦ୍ୟାଳୟରେ ଅନୁଷ୍ଠିତ କାର୍ଯ୍ୟକ୍ରମରେ ପ୍ରଧାନ ଶିକ୍ଷକ ଗୋପାଳ ସେଠୀ ଅଧ୍ୟକ୍ଷତା କରିଥିଲେ । ଏଥିରେ ଚୁପକାଦଦର ସ୍କୁଲର ପ୍ରଧାନ ଶିକ୍ଷକ ସଦାନନ୍ଦ ସାହୁ ମୁଖ୍ୟ ଅତିଥି ଓ ବଡବର୍ଡାକଟା ସ୍କୁଲର ବିଜ୍ଞାନ ଶିକ୍ଷକ ଶୁଭ୍ରାଂଶୁ ପଧାନ ମୁଖ୍ୟବକ୍ତା ଭାବେ ଯୋଗଦେଇ ଜୀବ ଜଗତ ଉପରେ ବିଜ୍ଞାନର ପ୍ରଭାବ ତଥା ରାଷ୍ଟ୍ରର ବିକାଶରେ ବିଜ୍ଞାନ ଉପରେ ଆଲୋଚନା କରିଥିଲେ । ମୀତାରାଣୀ ସେଠ ଉଦ୍ଦେଶ୍ୟ ଜ୍ଞାପନ କରିଥିବାବେଳେ ଅକ୍ଷୟ ମହେର ସ୍ବାଗତ ଭାଷଣ ପ୍ରଦାନ କରିଥିଲେ । ଶିକ୍ଷକ ଗଜେନ୍ଦ୍ର ସାହୁ ଅତିଥି ପରିଚୟ ପ୍ରଦାନ କରିଥିଲେ ଏବଂ ଅକ୍ଷୟ ରାଏ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ବିଭିନ୍ନ ପ୍ରତିଯୋଗିତା କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯିବା ସହ ଛାତ୍ରଛାତ୍ରୀଙ୍କ ଦ୍ଵାରା ବିଜ୍ଞାନ ଭିତ୍ତିକ ନାଟକ ପରିବେଷିତ ହୋଇଥିଲା ।