ସୌମିତ୍ରି ମେହେର24/03/2025 at 6:38 AM
ବୀରମହାରାଜପୁର : (ସୌମିତ୍ରି ମେହେର)
ଗୋପାଳଜୀ ତଡିତ୍ ମନ୍ତ୍ର ଶ୍ବାସ ଯୋଗାଳୟ ପରିସରରେ ଧର୍ମାତ୍ମା ଦୁର୍ଯ୍ୟୋଧନ ନାୟକ ଓ ତାଙ୍କ ସହଧର୍ମିଣୀ ଧର୍ମ ପରାୟଣା ମାଧବୀ ଦେବୀଙ୍କ ଆବକ୍ଷ ପ୍ରତିମୂର୍ତ୍ତି ଉନ୍ମୋଚିତ ହୋଇ ଯାଇଛି । ଏହି ଉପଲକ୍ଷେ ଆୟୋଜିତ ଏକ ସଭାରେ ଡ.ଆର୍ତତ୍ରାଣ ବାବୁ ସଭାପତିତ୍ବ କରିଥିଲାବେଳେ ଡ.ସନ୍ତୋଷ ପାଢୀ ମୁଖ୍ୟ ଅତିଥି , ଡ.ଜ୍ୟୋତି ରଞ୍ଜନ ବହିଦାର ମୁଖ୍ୟ ବକ୍ତା ଏବଂ ଡ.ଅନିରୁଦ୍ଧ କୁରୁକୁରିଆ , ଡ.ଶ୍ରୀଧର ବାଘ , ହରିହର ଶତପଥୀ ପ୍ରମୁଖ ସମ୍ମାନିତ ଅତିଥି ଭାବରେ ମଞ୍ଚାସୀନ ଥିଲେ। ସଚ୍ଚିଦାନନ୍ଦ ନାୟକ ସ୍ବାଗତ କରିଥିବାବେଳେ ପ୍ରଦୀପ ପୁରୋହିତ ସଭା ସଂଯୋଜନା କରିଥିଲେ । ଆମ ସଂସ୍କୃତିକୁ ପ୍ରକତି ସହିତ ସଂଯୋଗ କରି ବୃକ୍ଷ ରୋପଣ ପାଇଁ ସମସ୍ତେ ସଂକଳ୍ପବଦ୍ଧ ହେବା ଉଚିତ୍ ବୋଲି ଅତିଥି ମାନେ ମତବ୍ୟକ୍ତ କରିଥିଲେ । ଶେଷରେ ଡ.ଦ୍ବିତୀକୃଷ୍ଣ ପଣ୍ଡା ଧନ୍ୟବାଦ ଅର୍ପଣ କରିଥିଲେ । ପରେପରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ଏଥିରେ ମଞ୍ଜୁ ବାବୁ , ଶ୍ରୀମତୀ ଶତପଥୀ ଓ ଅନ୍ୟ ଶିଶୁ କଳାକାର ମାନେ ଭଜନ ପରିବେଷଣ କରିଥିଲେ ।