ସୌମିତ୍ରି ମେହେର24/03/2025 at 6:38 AM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ୍ ମୁର୍ଷୁଣ୍ଢୀ ଗ୍ରାମ ପଞ୍ଚାୟତର କର୍ଡାପାଳ ଗ୍ରାମ ରେ ଶ୍ରୀକୃଷ୍ଣ ଚୈତନ୍ୟ ଜିଲ୍ଲା ସଂକୀର୍ତ୍ତନ୍ୟ ସଂଘ , ସୁବର୍ଣ୍ଣପୁର ତରଫରୁ ଶ୍ରୀଚୈତନ୍ୟ ଜନ୍ମପଞ୍ଚମ ବାର୍ଷିକ ମହୋତ୍ସବ ଶୁକ୍ରବାର ପାଳିତ ହୋଇଯାଇଛି । ମାଁ ପରମେଶ୍ବରୀଙ୍କ ମନ୍ଦିରରୁ ସଂକୀର୍ତ୍ତନ ଶୋଭାଯାତ୍ରାରେ ଆଜ୍ଞାମାଳ ଆଣି ଶୁଭ ସ୍ତମ୍ଭ ସ୍ଥାପନ କରାଯାଇଥିଲା । ପ୍ରଥମ ପର୍ଯ୍ୟାୟରେ ଜିଲ୍ଲା ସଭାପତି ଦାମୋଦର ମେହେର ଙ୍କ ସଭାପତିତ୍ବରେ ଏକ ବୈଠକ ଅନୁଷ୍ଠିତ କରାଗଲା । ଏଥିରେ ଗ୍ରାମ କମିଟି ସଭାପତି ଦୟାନିଧି ହୋତା , ଜିଲ୍ଲା ଉପ ସଭାପତି ସୁରେନ୍ଦ୍ର ପୁରୋହିତ , କାର୍ଯ୍ୟକାରୀ ସଭାପତି ସନ୍ତୋଷ କୁମାର ପଣ୍ଡା, ସଂପାଦକ ରାଧେଶ୍ୟାମ ସାହୁ , ସହ ସଂପାଦକ ରଞ୍ଜନ ପଧାନ , କୋଷାଧ୍ୟକ୍ଷ ଗୌତମ ଦେହେରୀ , ରାଜ୍ୟ ସଂପାଦକ ପର୍ଶୁରାମ ମହାକୁର ପ୍ରମୁଖ ମଞ୍ଚାସୀନ ଥିଲେ । ଏହି ସଭାରେ ସଂକୀର୍ତ୍ତନ୍ୟ ସଂପର୍କିତ ଆଲୋଚନା ହୋଇଥିଲା । ପରେ ପରେ ୨୦ଟି ସଂକୀର୍ତ୍ତନ ଦଳ ଅଂଶଗ୍ରହଣ କରି କୀର୍ତ୍ତନ ପରିବେଷଣ କରିଥିଲେ। ଦ୍ବିତୀୟ ପର୍ଯ୍ୟାୟ ସାଧାରଣ ସଭା ସଂଧ୍ୟା ୭ଘଣ୍ଟା ସମୟରେ ଅନୁଷ୍ଠିତ ହୋଇଥିଲା । ଜିଲ୍ଲା ପରିଷଦ ସଦସ୍ୟ ଲବ କୁମାର ସାହୁ , ବ୍ଲକ୍ ଉପାଧ୍ୟକ୍ଷ ନାରାୟଣ ଲୁହା , କର୍ଡାପାଲ ଗଉନ୍ତିଆ ରାଧାନାଥ ହୋତା , ନାଟ୍ୟକାର ନାରାୟଣ ଦେହୁରୀ ଏବଂ ମୁର୍ଷୁଣ୍ଢୀ ସରପଞ୍ଚ , ସମିତି ସଭ୍ୟ ପ୍ରମୁଖ ଯୋଗଦାନ କରିଥିଲେ ।ଶେଷରେ ବାଦ୍ୟକାର ଉପେନ୍ଦ୍ର ହୋତା , ବାୟକ ମଉଜ ଭୋଇ,ବାୟକ ସୁଦାମ ସେଠୀ , ଗାୟକ ପର୍ଶୁରାମ ବାରିକ ଏବଂ ଗାୟକ ଓ ବାୟକ ପ୍ରମୋଦ ପୂର୍ଣ୍ଣାନନ୍ଦ ଦାସ୍ ପ୍ରମୁଖ ଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧିତ କରା ଯାଇଥିଲା ।