ସୌମିତ୍ରି ମେହେର1/04/2025 at 7:15 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମୈତ୍ରୀ ସଦନ ଠାରେ ଓଡିଶା ଦିବସ ପାଳିତ ହେଉଥିବା ଅବସରରେ କୋସଲ ସମନ୍ୱୟ ସମିତି ର ତୀବ୍ର ବିରୋଧ ହେଉଥିବା ଦେଖାଯାଇଛି I ଏହି କାର୍ଯ୍ୟକ୍ରମରେ ବୀରମହାରାଜପୁର ଉପଖଣ୍ଡ ପୋଲିସ ଅଧିକାରୀ ହେମନ୍ତ କୁମାର ରାଓ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ I ଅନ୍ୟତମ ଅତିଥିଭାବେ ସହକାରୀ ଜିଲ୍ଲାପାଳ ଶୁଭମ ସୁଭାଶିଷ ଶତପଥି ଏବଂ ତହସିଲଦାର ଶୁଚିସ୍ମିତା ପାଣିଗ୍ରାହୀ ମଞ୍ଚାସୀନ ଥିଲେ l ସମ୍ମାନିତ ଅତିଥି ଭାବରେ ସ୍ଵୟମ୍ଭୁ ନାଥ ଖଣ୍ଡଗିରି ଏବଂ ଭୂଷଣ କୁମାର ପାତ୍ର ଯୋଗ ଦେଇଥିଲେ l ମୁଖ୍ୟବକ୍ତା ଭାବରେ ବୀରମହାରାଜପୁର ମହାବିଦ୍ୟାଳୟ ର ଅଧ୍ୟକ୍ଷ ଡ଼କ୍ଟର ହିମାଂଶୁ ଶେଖର ପାଢ଼ୀ ଓଡିଶା ଦିବସ ର ତାତ୍ପର୍ଯ୍ୟ ଉପରେ ଆଲୋଚନା କରିଥିଲେ l ପ୍ରିୟଦର୍ଶି ଅଶୋକ ମୋହନ ଜେନା ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମ ରେ କୋସଲ ରାଜ୍ୟ ସମନ୍ୱୟ ସମିତି ର ଆବାହକ କିଶୋର ହୋତା, ଆଇନଜୀବୀ ଆଶ୍ରୟ ମହାନନ୍ଦ, ନୀଳକମଲ ମିଶ୍ର , ବ୍ରଜଗୋପାଳ ପଣ୍ଡା , ପୃଥ୍ୱୀରାଜ ଜଗଦଲା ପ୍ରମୁଖ ତୀବ୍ର ବିରୋଧ ପ୍ରଦର୍ଶନ କରିବା ସହ ଜୟ କୋସଲ ଆଦି ନାରାବାଜି କରିଥିଲେ l ସ୍ୱତନ୍ତ୍ର କୋସଲ ପ୍ରଦେଶ ଦାବୀ କରିଥିଲେ l