ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

24/06/2025 at 8:09 AM

ତେହେରାନ: ଇରାନ ଇସ୍ରାଏଲ ଯୁଦ୍ଧ ମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜୁନ ୨୪ରେ ଅସ୍ତ୍ରବିରତି ଘୋଷଣା କରିଛନ୍ତି। ଇସ୍ରାଏଲ ଏବଂ ଇରାନ ଉଭୟ ଯୁଦ୍ଧବିରତି ପାଇଁ ସମ୍ପୂର୍ଣ୍ଣ ସହମତ ହୋଇଛନ୍ତି କହିବା ସହ ଟ୍ରମ୍ପ ମଧ୍ୟ ଖୁସି ପ୍ରକାଶ କରିଥିଲେ।

କିନ୍ତୁ ଏବେ ଟ୍ରମ୍ପଙ୍କ ଦାବିକୁ ଖଣ୍ଡନ କରିଛି ଇରାନ। ଏପରିକି ଯୁଦ୍ଧବିରତି ପ୍ରସଙ୍ଗରେ କୌଣସି ଚୁକ୍ତି ହୋଇନାହିଁ ବୋଲି କହିଛି। ଡୋନାଲ୍ଡ ଟ୍ରମ୍ପଙ୍କ ଯୁଦ୍ଧବିରତି ଘୋଷଣା ପରେ ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି ଯୁଦ୍ଧବିରତିକୁ ଖଣ୍ଡନ କରିଥିଲେ। ସେ କହିଥିଲେ ଯେ ଏପରି କୌଣସି ଚୁକ୍ତି ହୋଇନାହିଁ ଏବଂ ଯୁଦ୍ଧ ଇରାନ ଦ୍ୱାରା ନୁହେଁ, ଇସ୍ରାଏଲ ଦ୍ୱାରା ଆରମ୍ଭ କରାଯାଇଥିଲା।

ବୈଦେଶିକ ମନ୍ତ୍ରୀ ଆବାସ ଆରାଘଚି X ରେ ଲେଖିଛନ୍ତି ଯେ ଇରାନ ବାରମ୍ବାର ସ୍ପଷ୍ଟ କରିଛି: ଇସ୍ରାଏଲ-ଇରାନ ଉପରେ ଯୁଦ୍ଧ ଆରମ୍ଭ କରିଛି। ଏପର୍ଯ୍ୟନ୍ତ କୌଣସି ଯୁଦ୍ଧବିରତି କିମ୍ବା ସାମରିକ କାର୍ଯ୍ୟକଳାପ ସମାପ୍ତି ଉପରେ କୌଣସି ‘ଚୁକ୍ତି’ ହୋଇନାହିଁ। ଏହି କାରଣରୁ ପ୍ରଶ୍ନ ଉଠିବା ଆରମ୍ଭ ହୋଇଛି ଯେ ଇରାନ ଯୁଦ୍ଧବିରତି ଗ୍ରହଣ କରିବାକୁ ପ୍ରସ୍ତୁତ ନୁହେଁ। ନା ଟ୍ରମ୍ପ ନିଜେ ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧବିରତି ଘୋଷଣା କରିଥିଲେ?