ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

24/06/2025 at 11:03 AM

ନୂଆଦିଲ୍ଲୀ: ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ ବିଲାୱାଲ ଭୁଟ୍ଟୋ ଜର୍ଦ୍ଦାରୀ ପୁଣିଥରେ ଭାରତକୁ ଧମକ ଦେଇଛନ୍ତି। ବିଲାୱାଲ ସୋମବାର କହିଥିଲେ ଯେ ଯଦି ଭାରତ ସିନ୍ଧୁ ଜଳ ଚୁକ୍ତିନାମା ଅନୁଯାୟୀ ଇସଲାମାବାଦକୁ ତାର ନ୍ୟାର୍ଯ୍ୟ ପାଣି ଦେବାକୁ ମନା କରେ, ତେବେ ତାଙ୍କ ଦେଶ ଯୁଦ୍ଧ ଆଡକୁ ଗତି କରିବ।

ଆପଣଙ୍କୁ ଜଣାଇ ଦେଉଛୁ ଯେ ୨୨ ଏପ୍ରିଲରେ ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ୧୯୬୦ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଥିଲା। ଏହି ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା। ଗୃହମନ୍ତ୍ରୀ ଅମିତ ଶାହ ଗତ ସପ୍ତାହରେ ଘୋଷଣା କରିଥିଲେ ଯେ ଏହି ଐତିହାସିକ ଚୁକ୍ତିନାମା କେବେବି ପୁନଃସ୍ଥାପିତ ହେବ ନାହିଁ। ସିନ୍ଧୁ ଉପତ୍ୟକାର ଛଅ ନଦୀ ସମ୍ପର୍କରେ ଉଲ୍ଲେଖ କରି ବିଲାୱାଲ କହିଥିଲେ, ଭାରତ ପାଖରେ ଦୁଇଟି ବିକଳ୍ପ ଅଛି … ହୁଏତ ଏହା ସମାନ ଭାବରେ ଜଳ ବାଣ୍ଟିବ, ନଚେତ୍ ଆମେ ସମସ୍ତ ଛଅ ନଦୀରୁ ପାଣି ଆମ ସ୍ଥାନକୁ ଆଣିବୁ।

ସେ କହିଥିଲେ ଯେ ସିନ୍ଧୁ ଜଳ ଚୁକ୍ତିନାମା ଏବେ ବି ବଳବତ୍ତର ଅଛି, ତେଣୁ ଚୁକ୍ତିନାମାକୁ ସ୍ଥଗିତ ରଖାଯାଇପାରିବ ନାହିଁ। ଭାରତର ଦାବି ଯେ ସିନ୍ଧୁ ଜଳ ଚୁକ୍ତିନାମା ଶେଷ ହୋଇଯାଇଛି ଏବଂ ଏହାକୁ ସ୍ଥଗିତ ରଖାଯାଇଛି। କିନ୍ତୁ ଏହା ବେଆଇନ, କାରଣ ସିନ୍ଧୁ ଜଳ ଚୁକ୍ତିନାମା ସ୍ଥଗିତ ନୁହେଁ। ଯଦି ଭାରତ ଆମ କଥା ନଶୁଣେ ତେବେ ଆମେ ପୁଣି ଯୁଦ୍ଧ କରିବାକୁ ବାଧ୍ୟ ହେବୁ।