ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

29/07/2025 at 11:10 AM

ନୂଆଦିଲ୍ଲୀ: କେରଳ ନର୍ସ ନିମିଶା ପ୍ରିୟାଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସୁଛି। ୟେମେନରେ ନିମିଶାଙ୍କ ମୃତ୍ୟୁଦଣ୍ଡ ବାତିଲ ହୋଇଥିବା ଖବର ଆସିଥିଲା। ତାଙ୍କୁ ମୃତ୍ୟୁଦଣ୍ଡରୁ ଆଶ୍ୱସ୍ତି ମିଳିଛି। ତଥାପି ଏବେ କେନ୍ଦ୍ର ସରକାର ଏହି ପ୍ରସଙ୍ଗରେ ଏକ ବଡ଼ ସୂଚନା ଦେଇଛନ୍ତି।

ବୈଦେଶିକ ମନ୍ତ୍ରଣାଳୟର ସୂତ୍ର ଏହି ଦାବିକୁ ମିଥ୍ୟା ବୋଲି କହିଛି। MEA କହିଛି ଯେ କିଛି ଲୋକ ନିମିଶା ପ୍ରିୟା ମାମଲାରେ ଭୁଲ ସୂଚନା ପ୍ରସାରଣ କରୁଛନ୍ତି। ଭାରତର ଗ୍ରାଣ୍ଡ ମୁଫ୍ତି କାଣ୍ଟାପୁରମ୍ ଏପି ଆବୁବାକର ମୁସଲିୟାରଙ୍କ କାର୍ଯ୍ୟାଳୟ ଦାବି କରିଥିଲା ଯେ ନିମିଶା ପ୍ରିୟାଙ୍କ ମୃତ୍ୟୁଦଣ୍ଡକୁ ଆନୁଷ୍ଠାନିକ ଭାବରେ ବାତିଲ କରାଯାଇଛି। ସେ ଏହା ମଧ୍ୟ କହିଥିଲେ ଯେ ନର୍ସଙ୍କ ମୃତ୍ୟୁଦଣ୍ଡକୁ ପୂର୍ବରୁ ଅସ୍ଥାୟୀ ଭାବରେ ସ୍ଥଗିତ ରଖାଯାଇଥିଲା। ନିମିଶା ପ୍ରିୟାଙ୍କ ମୃତ୍ୟୁଦଣ୍ଡ ଯାହା ପୂର୍ବରୁ ସ୍ଥଗିତ ରଖାଯାଇଥିଲା, ଏବେ ପ୍ରତ୍ୟାହାର କରାଯାଇଛି।

ସାନାରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ ମୃତ୍ୟୁଦଣ୍ଡକୁ ସମ୍ପୂର୍ଣ୍ଣ ବାତିଲ କରିବାକୁ ନିଷ୍ପତ୍ତି ନିଆଯାଇଛି। ଏହାକୁ ପୂର୍ବରୁ ଅସ୍ଥାୟୀ ଭାବରେ ସ୍ଥଗିତ ରଖାଯାଇଥିଲା। ତଥାପି କାର୍ଯ୍ୟାଳୟ ଏହା ମଧ୍ୟ କହିଛି ଯେ ୟେମେନ ସରକାରଙ୍କଠାରୁ ଏପର୍ଯ୍ୟନ୍ତ କୌଣସି ସରକାରୀ ଲିଖିତ ସ୍ପଷ୍ଟିକରଣ ମିଳିନାହିଁ।