ଗଙ୍ଗାଧର ଜୟନ୍ତୀ ଅବସରରେ ପୁରସ୍କୃତ ହେବେ କୃତି ପ୍ରତିଯୋଗୀ
ବରଗଡ଼: ସ୍ବଭାବ କବି ଗଙ୍ଗାଧର ମେହେରଙ୍କ ଜୟନ୍ତୀ ପାଳନର ଅବ୍ୟବହିତ ପୂର୍ବରୁ ଗଙ୍ଗାଧର ସାହିତ୍ୟ ସମ୍ପର୍କରେ ଏକ ପ୍ରବନ୍ଧ ଓ ବକ୍ତୃତା ପ୍ରତିଯୋଗିତା ସ୍ଥାନୀୟ ସରସ୍ଵତୀ ଶିଶୁ ବିଦ୍ୟା ମନ୍ଦିର ହିନ୍ଦୀ ବିଭାଗ ପରିସର ମଧ୍ୟରେ ଆୟୋଜିତ ହୋଇ ଯାଇଅଛି।
ହାଇସ୍କୁଲ ଓ ମହାବିଦ୍ୟାଳୟ ସ୍ତରୀୟ ଉଭୟ ପ୍ରବନ୍ଧ ଓ ବକ୍ତୃତା ପ୍ରତିଯୋଗିତାର ବିଷୟବସ୍ତୁ ଥିଲା ‘ଗଙ୍ଗାଧର ସାହିତ୍ୟରେ ମାନବବାଦ’। ପ୍ରତିଯୋଗିତାଟିରେ ଜିଲ୍ଲାର ବିଭିନ୍ନ ହାଇସ୍କୁଲ ଓ ମହାବିଦ୍ୟାଳୟର ଛାତ୍ରଛାତ୍ରୀ ଯୋଗଦାନ କରିଥିଲେ । ହାଇସ୍କୁଲ ସ୍ତରୀୟ ପ୍ରବନ୍ଧ ପ୍ରତିଯୋଗିତାରେ ଶ୍ରୀ ଅରବିନ୍ଦ ଶିକ୍ଷା ଓ ଗବେଷଣା କେନ୍ଦ୍ର, ଅତାବିରାର ଛାତ୍ରୀ ଆକାଂକ୍ଷା ପ୍ରଧାନ-ପ୍ରଥମ, ରାଣା ପ୍ରତାପ ଉଚ୍ଚ ବିଦ୍ୟାଳୟର ଛାତ୍ରୀ ରିତିକା ସା ଓ ଧରିତ୍ରୀ ରାଉତ ଯଥାକ୍ରମେ- ଦ୍ୱିତୀୟ ଓ ତୃତୀୟ, ମହାବିଦ୍ୟାଳୟ ସ୍ତରରେ ପଞ୍ଚାୟତ ମହାବିଦ୍ୟାଳୟର ଛାତ୍ର ଚିରନ୍ତନ ଦାଶ- ପ୍ରଥମ, କମଗାଁ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀ ପ୍ରିୟଦର୍ଶିନୀ ସାହୁ -ଦ୍ବିତୀୟ ଓ ପଞ୍ଚାୟତ ମହାବିଦ୍ୟାଳୟର ଛାତ୍ର ଉତ୍ତମ ସାହୁ -ତୃତୀୟ ହୋଇଛନ୍ତି। ସେହିପରି ବକ୍ତୃତା ପ୍ରତିଯୋଗିତାରେ ମହାବିଦ୍ୟାଳୟ ସ୍ତରରେ ପଞ୍ଚାୟତ ମହାବିଦ୍ୟାଳୟର ଛାତ୍ର ଉତ୍ତମ ସାହୁ- ପ୍ରଥମ, ମିଟ୍ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀ ଶ୍ରୀପାତ୍ର – ଦ୍ବିତୀୟ ଓ ପାର୍ବତୀ ଗିରି ମହିଳା ମହାବିଦ୍ୟାଳୟର ଛାତ୍ରୀ ସ୍ନେହା ସ୍ବାତୀ ସରାଫ-ତୃତୀୟ ସ୍ଥାନ ହାସଲ କରିଥିବା ବେଳେ ହାଇସ୍କୁଲ ସ୍ତରରେ ରାଣା ପ୍ରତାପ ଉଚ୍ଚ ବିଦ୍ୟାଳୟର ଛାତ୍ରୀ ଶାଲିନୀ ସା- ପ୍ରଥମ, ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର ଅତାବିରାର ଛାତ୍ରୀ ସୌମ୍ୟାଶ୍ରୀ ସାହୁ-ଦ୍ବିତୀୟ ଓ ରାଣା ପ୍ରତାପ ଉଚ୍ଚ ବିଦ୍ୟାଳୟର ଛାତ୍ରୀ ପ୍ରାଚୀ ଭୋସାଗର- ତୃତୀୟ ସ୍ଥାନ ହାସଲ କରିଛନ୍ତି। ଏହି କୃତି ପ୍ରତିଯୋଗୀଙ୍କୁ ସାହିତ୍ୟ ଘର ତରଫରୁ ହେବାକୁ ଥିବା ଗଙ୍ଗାଧର ଜୟନ୍ତୀ ଅବସରରେ ସମ୍ମାନୀତ କରାଯିବ ବୋଲି ସଂଯୋଜକ ଡ. ରବି ନାରାୟଣ ସାହୁ ଜଣାଇଛନ୍ତି।
