ସନତ କୁମାର ପ୍ରାଧନୀ

31/08/2025 at 6:27 PM

କଳାହାଣ୍ଡି:ଆଜି ସାୟତ୍ତ ଶାସନ ଦିବସ ଅବସରରେ ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କଳାହାଣ୍ଡି ର ଜୟପାଟଣା ବ୍ଲକ ଓ ନର୍ଲା ବ୍ଲକ କୁ ଏନଏସି ଘୋଷଣା କରିଛନ୍ତି। ଦୀର୍ଘଦିନ ର ଦାବି ଆଜି ବାସ୍ତବତା ରେ ରୂପାନ୍ତରିତ ହେବା ପରେ ଅଞ୍ଚଳର ଜନସାଧାରଣ ମଧ୍ୟରେ ଖୁସିର ଲହରୀ ଖେଳିଯାଇଛି।ରାଜ୍ୟ ସରକାରଙ୍କ ନିଷ୍ପତ୍ତି କୁ ସ୍ୱାଗତ ଜଣାଇଛନ୍ତି ଅଞ୍ଚଳ ର ସାଧାରଣ ଜନତା।ପୂର୍ବ ବିଜେଡି ସରକାର ସମୟରେ ଜୟପାଟଣା କୁ ଏନଏସି ଘୋଷଣା ହୋଇଥିଲା କିନ୍ତୁ ସରକାର ବଦଳିବା ପରେ ନିକଟରେ ବର୍ତ୍ତମାନ ର ବିଜେପି ସରକାର ୧୨ ଗୋଟି ଅଞ୍ଚଳକୁ ଏନଏସି ଘୋଷଣା କରିଥିଲେ।ଏଥିରେ ଜୟପାଟଣା କୁ ବାଦ ଦିଆଯାଇଥିବା ବେଳେ କିଛିଦିନ ପୂର୍ବରୁ ବିଜେଡି ପକ୍ଷରୁ ୬ ଘଣ୍ଟିଆ ବନ୍ଦ ଡାକରା ଦେଇ ଜୟପାଟଣା କୁ ଏନଏସି ଘୋଷଣା କରିବା ପାଇଁ ଦାବି କରାଯାଇଥିଲା। ସେହିପରି ଅଞ୍ଚଳ ର ବୁଦ୍ଧିଜୀବୀ ମାନେ ମଧ୍ୟ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ଭେଟି ସ୍ମାରକ ପତ୍ର ପ୍ରଦାନ କରିଥିଲେ। ବହୁ ପ୍ରତୀକ୍ଷିତ ଦାବି ଆଜି ପୂରଣ ହୋଇ ଥିବାରୁ ଜୟପାଟଣା ନୂତନ ଏନଏଏସସି କାର୍ଯ୍ୟକ୍ଷମ ହେବାପରେ ଅଞ୍ଚଳରେ ବିକାଶ ତ୍ୱରାନ୍ୱିତ ହେବ ବୋଲି ଆଶା କରାଯାଉଛି ଓ ଅନେଇ ସ୍ଥାନୀୟ ଜନସାଧାରଣ ରାଜ୍ୟ ସରକାରଙ୍କୁ ଧନ୍ୟବାଦ ଓ କୃତଜ୍ଞତା ଜଣାଇଛନ୍ତି।