ସୋମନାଥ ନାଏକ ହେଲେ ବହୁଜନ ସମାଜ ପାର୍ଟିର କଳାହାଣ୍ଡି ଜିଲ୍ଲା ସଭାପତି ।
କଳାହାଣ୍ଡି:ବହୁଜନ ସମାଜ ପାର୍ଟି ଓଡିଶା ରାଜ୍ୟ କାର୍ଯ୍ୟଳୟ ଠାରେ ରାଜ୍ୟ କାର୍ଯ୍ୟକାରିଣୀ ବୈଠକ ରାଜ୍ୟ ସଭାପତି ଧିମାନ ସରୋଜ କୁମାର ନାଏକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ମୁଖ୍ୟ ଅତିଥି ଭାବେ ଡ଼ଃ. ଲାଲଜୀ ମେଧାନକର ଜି କେନ୍ଦ୍ରୀୟ ସଂଯୋଜକ ଯୋଗ ଦେଇଥିବା ବେଳେ, ସମ୍ମାନୀତ ଅତିଥି ଭାବେ ଓଡ଼ିଶା ରାଜ୍ୟ ସଂଯୋଜକ ଧୀମାନ ସୁଧୀର କୁମାର ନାୟକ, ଉପ ସଭାପତି ଧୀମାନ ବିଭୂତି ମାଝୀ ଯୋଗ ଦେଇଥିଲେ । ରାଜ୍ୟ ସାଧାରଣ ସଂପାଦକ ଧୀମାନ ମଧୁ ସୁଦନ ଯାଦବ ସଭା ପରିଚାଳନା କରିଥିଲେ ।
ଦଳର ସାଙ୍ଗଠନିକ କାର୍ଯ୍ୟର ଦୃଢ଼ି କରଣ ପାଇଁ କେନ୍ଦ୍ରୀୟ ସଂଯୋଜକ ସମ୍ମାନନୀୟ ଲାଲଜୀ ମେଧାନକର୍ ଜୀ ରାଜ୍ୟ କମିଟିର ସମ୍ପ୍ରସାରଣ କରିଥିଲେ ।
ଏହି କମିଟିରେ କଳାହାଣ୍ଡି ଜିଲ୍ଲାରୁ ଧୀମାନ ଯୋଗେଶ୍ୱର ସାଗର ଙ୍କୁ ରାଜ୍ୟ ସମ୍ପାଦକ ଭାବରେ ମନୋନୀତ କରି ରାୟଗଡ଼ା ଜୋନ ଭୁକ୍ତ କଳାହାଣ୍ଡି ଜିଲ୍ଲାର ସଂଗଠନ ଦାୟିତ୍ଵ ଅର୍ପଣ କରିଥିଲେ । ଯେଉଁ ଜିଲ୍ଲା ମାନଙ୍କର ଜିଲ୍ଲା କମିଟି ଗଠନ ହୋଇ ନଥିଲା ସେହି ଜିଲ୍ଲା ମାନଙ୍କ କମିଟି ଗଠନ ପାଇଁ ଜିଲ୍ଲା ସଭାପତି ମାନଙ୍କ ନାମ ଘୋଷଣା କରାଯାଇଥିଲା ।
କଳାହାଣ୍ଡି ଜିଲ୍ଲା ପାଇଁ ଧୀମାନ ସୋମନାଥ ନାଏକଙ୍କୁ ଜିଲ୍ଲା ସଭାପତି ଭାବେ ମନୋନୀତ କରିଥିଲେ ଏବଂ ନିର୍ଦ୍ଦେଶ ଦେଇଥିଲେ ଯେ, ଜିଲ୍ଲା କମିଟି ଗଠନ କରି ପୂର୍ଣ୍ଣାଙ୍ଗ ଜିଲ୍ଲା କମିଟିର ସଭ୍ୟ/ସଭ୍ୟା ମାନଙ୍କ ନାମ ରାଜ୍ୟ ସଭାପତିଙ୍କୁ ପ୍ରଦାନ କରିବେ । ତା ସହିତ ଦଳର ସାଙ୍ଗଠନିକ ଦୃଢ଼ ସମ୍ପ୍ରସାରଣ ପାଇଁ ନିର୍ବାଚନ ମଣ୍ଡଳୀ କମିଟି, ବ୍ଲକ କମିଟି, ସେକ୍ଟର କମିଟି, ବୁଥ କମିଟି ଗଠନ କରି ସମ୍ପୂର୍ଣ୍ଣ ବିବରଣୀ ରାଜ୍ୟ ସଭାପତିଙ୍କ ପାଖରେ ଦାଖଲ କରିବେ ।
ମାନନୀୟ ସୋମନାଥ ନାଏକଙ୍କୁ କଳାହାଣ୍ଡି ଜିଲ୍ଲାର ସଭାପତି ଭାବେ ଘୋଷଣା ପରେ ଜିଲ୍ଲାର ବହୁଜନ ସମାଜ ଏବଂ ଦଳରେ ଖୁସିର ଲହରୀ ଖେଳିଯାଇଛି ଏବଂ ସଭ୍ୟ ସଭ୍ୟା ମାନଙ୍କ ମଧ୍ୟରେ ଅନେକ ଉତ୍ସାହ ଦେଖା ଦେଇଛି । ସେମାନେ ମାତ ପ୍ରକାଶ କରିଛନ୍ତି ଯେ , ସୋମନାଥ ନାଏକ ଜଣେ ବରିଷ୍ଠ ଓ ଦଳର ଅନୁଭୂତି ସମ୍ପନ୍ନ କର୍ମକର୍ତ୍ତା ଥିଲେ , ତେଣୁ ତାଙ୍କ ନେତୃତ୍ୱରେ ଜିଲ୍ଲା ସଂଗଠନ ଆହୁରି ସୁଦୃଢ଼ ହୋଇ ପାରିବ ବୋଲି ମତ ପ୍ରକାଶ ପାଇବା ସହିତ ଅଞ୍ଚଳରେ ବିଭିନ୍ନ ମହଲରୁ ଶୁଭେଚ୍ଛାର ବାର୍ତ୍ତା ଛୁଟିବାରେ ଲାଗିଛି ।
