ସାମ୍ବାଦିକ ସମ୍ମିଳନୀ ବେସରକାରୀ ଅଧ୍ୟାପକ ଙ୍କ ସରକାରୀ ଅନୁଦାନ ପରିସରଭୁକ୍ତ ପାଇଁ ଦାବୀ l

ସନତ କୁମାର ପ୍ରାଧନୀ

କଳାହାଣ୍ଡି,୧୩/୧୦
ଓଡିଶା ରାଜ୍ୟ ବେସରକାରୀ ଅଧ୍ୟାପକ ଓ କର୍ମଚାରୀ ସଂଘ (OSNLEA ) କଳାହାଣ୍ଡି ଶାଖା ତରଫରୁ ଅଧ୍ୟାପକ ଲକ୍ଷ୍ମୀକାନ୍ତ ବେହେରା ଜିଲ୍ଲା ସଂଯୋଜକ କଳାହାଣ୍ଡିଙ୍କ ନେତୃତ୍ୱରେ ହୋଟେଲ ମିଡ୍ ଟାଉନ୍, ଭବାନୀପାଟଣାରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଛି | ସୂଚନାଯୋଗ୍ୟ ବେସରକାରୀ ଅନୁଦାନ ପ୍ରାପ୍ତ ଏବଂ ଅଣ ଅନୁଦାନ ମହାବିଦ୍ୟାଳୟମାନଙ୍କରେ ପରିଚାଳନା କମିଟି ଦ୍ବାରା ୦୧ ଜୁନ୍ ୨୦୦୮ ରୁ ୦୧ ଜୁନ ୨୦୧୮ ମଧ୍ୟରେ ନିଯୁକ୍ତ ସମସ୍ତ ଅଧ୍ୟାପକ କର୍ମଚାରୀମାନଙ୍କୁ ଅନୁଦାନ ପରିସରଭୁକ୍ତ କରିବାପାଇଁ ସଂଘର ବାରମ୍ବାର ଦାବି ସତ୍ତ୍ୱେ ସରକାର କୌଣସି ନିଷ୍ପତ୍ତି ନେଲେ ନାହିଁ। ତେଣୁ ସଂଘ ଅଗଷ୍ଟ ୧୬ ତାରିଖରୁ ସମସ୍ତ ମହାବିଦ୍ୟାଳୟ ସ୍ତରରେ କାର୍ଯ୍ୟବନ୍ଦ ଆନ୍ଦୋଳନ ପ୍ରାୟ ୩୨ ଦିନ ପର୍ଯ୍ୟନ୍ତ ସମସ୍ତ କର୍ମଚାରୀ ମହାବିଦ୍ୟାଳୟ ଫାଟକ ସମ୍ମୁଖରେ ଧାରଣା ଦେଇଥିଲେ। ସ୍ବଳ୍ପ ଦରମା ବା ପାରିଶ୍ରମିକ ପାଇ ନିଜର ଜୀବନ ଧାରଣ ତଥା ପରିବାର ଭରଣପୋଷଣ ପାଇଁ ବାଧ୍ୟ ହୋଇ ଧାରଣା ଦେଇଥିଲେ। କିନ୍ତୁ ସରକାର ନିଦାବିଷ୍ଣୁ ସାଜିଥିଲେ । ପରିଶେଷରେ ସେପ୍ଟେମ୍ବର ୧୮ ତାରିଖରେ ଗାନ୍ଧୀ ମାର୍ଗରେ କର ବା ମର ସମାଵେଶ ହୋଇଥିଲା। ତାପରେ ସଂଘର ସଭାପତି ଶ୍ରୀଯୁକ୍ତ ବିଶ୍ବରଂଜନ ଦାସ ସେପ୍ଟେମ୍ବର ତା ୧୯ ରେ ଆମରଣ ଅନଶନରେ ବସିଥିଲେ। ଲୋକଙ୍କ ସରକାର ମାନ୍ୟବର ମୁଖ୍ୟମନ୍ତ୍ରୀ ମହୋଦୟଙ୍କ ପ୍ରତ୍ୟକ୍ଷ ହସ୍ତକ୍ଷେପ ପରେ ତାଙ୍କ ପ୍ରତିନିଧି ମାନ୍ୟବର ବିଧାୟକ ପିପିଲି ଶ୍ରୀଯୁକ୍ତ ଆଶ୍ରିତ ପଟ୍ଟନାୟକ, ମାନ୍ୟବର ବିଧାୟକ ଏକାମ୍ର ବାବୁ ସିଂ ଏବଂ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶକ ଉପସ୍ଥିତ ରହି ଏକ ଲିଖିତ ପ୍ରତିଶ୍ରୁତି ଦେଲେ ଯେ ଆସନ୍ତା ଅକ୍ଟୋବର ୧୦ ରୁ ଅକ୍ଟୋବର ୨୦ ମଧ୍ୟରେ ସଂଘ ସହିତ ଆଲୋଚନା କରାଯିବ। ମାନ୍ୟବର ମୁଖ୍ୟମନ୍ତ୍ରୀ ମହୋଦୟଙ୍କ ଉପରେ ଆସ୍ଥା ପ୍ରକଟ କରି ସଂଘ ଆନ୍ଦୋଳନକୁ ସ୍ଥଗିତ ରଖିଥିଲା। ସରକାରଙ୍କ ଠାରେ ଅନୁରୋଧ ଲିଖିତ ପ୍ରତିଶ୍ରୁତି ମୁତାବକ ଚଳିତ ମାସ ୧୦ ରୁ ୨୦ ତାରିଖ ମଧ୍ୟରେ ସଂଘକୁ ଆଲୋଚନା ପାଇଁ ଡକାଯାଉ। ଯଦି ସରକାର ଏଥିପାଇଁ କିଛି ବ୍ୟତିକ୍ରମ କରନ୍ତି ତାହାହେଲେ ସଂଘ ପୁନର୍ବାର ଆନ୍ଦୋଳନକୁ ଓହ୍ଲାଇବ। ସର୍ବଶେଷରେ ସରକାର ମହାବିଦ୍ୟାଳୟ ସମସ୍ତ ଅଧ୍ୟାପକ ଓ କର୍ମଚାରୀମାନଙ୍କୁ ଅନୁଦାନ ପରିସରଭୁକ୍ତ କରନ୍ତୁ ଏବଂ ନିଜର ପ୍ରତିଶ୍ରୁତି ରକ୍ଷା କରନ୍ତୁ। ଏହା ଆମର ଆଶା ଏବଂ ଦୃଢ଼ ବିଶ୍ୱାସ। ଆଜିକାର ପ୍ରେସ୍ ବିବୃତିରେ ଯୋଗଦାନ କରିଛନ୍ତି ଅଧ୍ୟାପକ ଲକ୍ଷ୍ମୀକାନ୍ତ ବେହେରା, ଅଧ୍ୟାପକ ସଚିନ୍ କୁମାର ସାହୁ, ଅଧ୍ୟାପିକା ସୁସ୍ମିତା ପଣ୍ଡା, ଅଧ୍ୟାପକ ଦେବେନ୍ଦ୍ର ସୁନାନି, ଅଧ୍ୟାପକ ଥବିର ନାୟକ, ଅଧ୍ୟାପକ ଗିରିରାଜ ଗହିର, ଅଧ୍ୟାପକ ରଶ୍ମି ରଞ୍ଜନ ମିଶ୍ର, ଅଧ୍ୟାପକ ହେମନ୍ତ କୁମାର ରଣା, ଅଧ୍ୟାପିକା ପୂଣ୍ୟତୋୟା ପାଢ଼ୀ, ଅଧ୍ୟାପିକା ବେବିନା ମୁଣ୍ଡ୍, ଅଧ୍ୟାପକ ସୁଜିତ କୁମାର ପଣ୍ଡା ଓ ଅଧ୍ୟାପକ ଜୟନ୍ତ ବାଗ ଉପସ୍ଥିତ ଥିଲେ l