‘ଜାତୀୟ ଏକତା ଦିବସ’ ପାରେଡରେ ପ୍ରଧାନମନ୍ତ୍ରୀ ମୋଦି, ସର୍ଦ୍ଦାର ପଟେଲଙ୍କ ପ୍ରତିମୂର୍ତ୍ତିରେ ଦେଲେ ଶ୍ରଦ୍ଧାଞ୍ଜଳି
ନୂଆଦିଲ୍ଲୀ: ଆଜି ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୫୦ତମ ଜନ୍ମବାର୍ଷିକୀ। ଏହି ଅବସରରେ ଗୁଜରାଟର ଏକତାନଗରରେ ଜାତୀୟ ଏକତା ଦିବସ ପାଳନ କରାଯାଉଛି। କେନ୍ଦ୍ର ଏବଂ ଗୁଜରାଟ ସରକାରଙ୍କ ଦ୍ୱାରା ମିଳିତ ଭାବରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଅଂଶଗ୍ରହଣ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମବାର୍ଷିକୀ ତଥା ଜାତୀୟ ଏକତା ଦିବସ ପାଳନ ପାଇଁ ‘ଜାତୀୟ ଏକତା ଦିବସ’ ପରେଡର ସମୀକ୍ଷା କରିଥିଲେ। ଗୁଜରାଟ କ୍ୟାଡରର ଆଇପିଏସ ଅଧିକାରୀ ସିମରନ ଭରଦ୍ୱାଜ ପ୍ରଧାନମନ୍ତ୍ରୀଙ୍କୁ ଅଭିବାଦନ ଜଣାଇଥିଲେ।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମବାର୍ଷିକୀ, ଜାତୀୟ ଏକତା ଦିବସ ଅବସରରେ ଏକତାର ଶପଥ ପାଠ ମଧ୍ୟ କରାଇଥିଲେ। କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମବାର୍ଷିକୀ ପାଳନ ପାଇଁ ପାଳିତ ଜାତୀୟ ଏକତା ଦିବସ ଅବସରରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
ଏହି ପର୍ବ ଏକ ବାର୍ଷିକ କାର୍ଯ୍ୟକ୍ରମ। ଯାହା ଜାତୀୟ ଏକତା ଏବଂ ଗର୍ବର ଭାବନାକୁ ପ୍ରୋତ୍ସାହିତ କରିବା ସହିତ ଭାରତର ସାଂସ୍କୃତିକ ସମୃଦ୍ଧି, ପାରମ୍ପରିକ ଖାଦ୍ୟ ଏବଂ କଳାତ୍ମକ ପ୍ରତିଭାକୁ ପ୍ରଦର୍ଶନ କରେ। ଚଳିତ ବର୍ଷ, ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୫୦ ତମ ଜନ୍ମବାର୍ଷିକୀ ପାଳନ ପାଇଁ ଏହି କାର୍ଯ୍ୟକ୍ରମ ଷ୍ଟାଚ୍ୟୁ ଅଫ୍ ୟୁନିଟିରେ ଅନୁଷ୍ଠିତ ହେବ। ଯାହା ଭାରତର ଏକତା, ବିବିଧତା ଏବଂ ଶକ୍ତିର ଏକ ମହାନ ଉତ୍ସବ ଭାବରେ କାର୍ଯ୍ୟ କରିବ। ବିଭିନ୍ନ ରାଜ୍ୟ ଏବଂ କେନ୍ଦ୍ର ସରକାରଙ୍କ ଜନ ପ୍ରତିନିଧି, ପ୍ରସିଦ୍ଧ କଳାକାର, କାରିଗର ଏବଂ ବିଶିଷ୍ଟ ଅତିଥିମାନେ ୧୫ ଦିନିଆ ମହୋତ୍ସବରେ ଅଂଶଗ୍ରହଣ କରିବେ।
