ବିଳମ୍ବରେ ପହଞ୍ଚିବାରୁ ରାହୁଲ ଗାନ୍ଧୀଙ୍କୁ ମିଳିଲା ଏଭଳୀ ଦଣ୍ଡ…
ଭୋପାଳ: ମଧ୍ୟପ୍ରଦେଶର ପଚମାଢ଼ିରେ ଅନୁଷ୍ଠିତ କଂଗ୍ରେସର ସଂଗଠନ ସୃଜନ ଅଭିଯାନ ସମୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଏକ ଅବିସ୍ମରଣୀୟ ଘଟଣା ଘଟିଯାଇଛି।
ନିଜ କାର୍ଯ୍ୟକ୍ରମରେ ବିଳମ୍ବରେ ପହଞ୍ଚିବା ପାଇଁ ରାହୁଲ ଗାନ୍ଧୀଙ୍କୁ ଏକ ଅନନ୍ୟ ଦଣ୍ଡ ମିଳିଥିଲା ଯାହା ସମସ୍ତ ଦଳୀୟ କର୍ମୀଙ୍କୁ ଚକିତ କରିଦେଇଛି। କାର୍ଯ୍ୟକ୍ରମର ଟ୍ରେନିଂ ମୁଖ୍ୟ, ସଚିବ ରାଓ ବିଳମ୍ବରେ ଆସୁଥିବା ଲୋକଙ୍କ ପାଇଁ ଦଣ୍ଡମୂଳକ ପଦକ୍ଷେପ ଘୋଷଣା କରିଥିଲେ। ଯେତେବେଳେ ରାହୁଲ ଗାନ୍ଧୀ ପଚାରିଥିଲେ ଯେ ତାଙ୍କୁ କ’ଣ କରିବାକୁ ପଡିବ, ସେ ସମୟରେ ସଚିବ ରାଓ ତାଙ୍କୁ ଅତି କମରେ ୧୦ ପୁସଅପ୍ କରିବାକୁ ନିର୍ଦ୍ଦେଶ ଦେଇଥିଲେ। ଦଳୀୟ ସୂତ୍ର ଅନୁସାରେ ରାହୁଲ ଗାନ୍ଧୀ ବିନା ଦ୍ୱିଧାରେ ଏହାକୁ ଗ୍ରହଣ କରିବା ସହ ତୁରନ୍ତ ପୁସଅପ୍ କରିବା ଆରମ୍ଭ କରିଥିଲେ। ତାଙ୍କ ସହିତ ବିଳମ୍ବରେ ପହଞ୍ଚିଥିବା ଜିଲ୍ଲା ସଭାପତିମାନଙ୍କୁ ମଧ୍ୟ ସମାନ “ଦଣ୍ଡ” ଦିଆଯାଇଥିଲା। ଏହି ଦୃଶ୍ୟ ବେଶ ରୋମାଞ୍ଚପୂର୍ଣ୍ଣ ଥିଲା। କିଛି କଂଗ୍ରେସ ନେତା ଆଶ୍ଚର୍ଯ୍ୟ ହୋଇଥିଲେ।
ମଧ୍ୟପ୍ରଦେଶ କଂଗ୍ରେସର ମିଡିଆ ସଂଯୋଜକ ଅଭିନବ ବାରୋଲିଆ କହିଛନ୍ତି, “ଏହା ଆମ ନେତାଙ୍କ ସ୍ୱଭାବର ଏକ ଅଂଶ। ଏଠାରେ ପ୍ରତ୍ୟେକ ସଦସ୍ୟ ସମାନ, ବିଜେପିରେ ଏପରି କୌଣସି ବସ୍ ନାହିଁ।” ସେ କହିଥିଲେ ଯେ ତାଲିମ ଶିବିରରେ ରାହୁଲ ଗାନ୍ଧୀଙ୍କ ଉପସ୍ଥିତି, ତାଙ୍କର ଉତ୍ସାହୀ ଅଂଶଗ୍ରହଣ ଏବଂ ତାଙ୍କର ସ୍ମରଣୀୟ ଅଧିବେଶନ ଅତ୍ୟନ୍ତ ପ୍ରଶଂସନୀୟ। ସେ କଂଗ୍ରେସ ଜିଲ୍ଲା ସଭାପତିମାନଙ୍କୁ ଅନେକ ପ୍ରସଙ୍ଗ ବିଷୟରେ ସ୍ପଷ୍ଟ ଏବଂ ସିଧାସଳଖ ବୁଝାଇଥିଲେ। ସେ ସେମାନଙ୍କୁ ଏକାଠି ଲଢ଼ିବା ଏବଂ ସାହସ ବଜାୟ ରଖିବାର ଶିକ୍ଷା ଦେଇଥିଲେ।
