ଶିକ୍ଷକ ଅପମାନିତ କରିବାରୁ ଜୀବନ ହାରିଲେ ଛାତ୍ର, ସୁସାଇଡ ନୋଟରେ ଲେଖିଲେ…
ନୂଆଦିଲ୍ଲୀ: ମଙ୍ଗଳବାର ସକାଳେ ଦିଲ୍ଲୀର ଜଣେ ୧୬ ବର୍ଷୀୟ ସ୍କୁଲ ଛାତ୍ର ମେଟ୍ରୋ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି। ସେ ତାଙ୍କ ଅଙ୍ଗଦାନ କରିବାକୁ ଅନୁରୋଧ କରି ଏକ ସୁଇସାଇଡ ନୋଟ ଛାଡିଯାଇଛନ୍ତି। ଯାହା ଦ୍ୱାରା ଅନ୍ୟ କୌଣସି ପିଲା ସମାନ ଦୁଃଖ ଭୋଗିବେ ନାହିଁ।
ପୋଲିସ କହିଛି ଯେ ଏକ ଘରୋଇ ସ୍କୁଲର ଦଶମ ଶ୍ରେଣୀ ଛାତ୍ର ଅପରାହ୍ନ ୨:୩୪ ସମୟରେ କେନ୍ଦ୍ରୀୟ ଦିଲ୍ଲୀର ରାଜେନ୍ଦ୍ର ପ୍ଲେସ୍ ମେଟ୍ରୋ ଷ୍ଟେସନର ପ୍ଲାଟଫର୍ମରୁ ଡେଇଁ ପଡ଼ିଥିଲେ। ତାଙ୍କୁ ନିକଟସ୍ଥ BLK ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ତାଙ୍କ ନୋଟରେ ସେ ଅନେକ ଶିକ୍ଷକଙ୍କ ନାମ ନେଇଥିଲେ ଏବଂ ସେମାନେ ଦୀର୍ଘ ସମୟ ଧରି ତାଙ୍କୁ ମାନସିକ ନିର୍ଯାତନା ଦେଉଥିବାର ଅଭିଯୋଗ କରିଥିଲେ। ତାଙ୍କୁ ସ୍କୁଲ୍ରୁ ତଡ଼ିଦେବାକୁ ଧମକ ଦିଆଯାଉଥିଲା।
ତାଙ୍କ ବାପା ଅଭିଯୋଗ କରିଥିଲେ ଯେ ତାଙ୍କ ପୁଅ ସ୍କୁଲରେ ଅନେକ ମାସ ଧରି ତାଙ୍କ ସହିତ ହେଉଥିବା ବ୍ୟବହାର ଯୋଗୁଁ ଅବସାଦରେ ଥିଲା।ମଙ୍ଗଳବାର ଦିନ ପୁଅଟି ତାଙ୍କ ଡ୍ରାମା କ୍ଲବ୍ ସେସନ୍ ପାଇଁ ସ୍କୁଲରେ ଥିଲା, ଏବଂ ତାଙ୍କ ବାପାଙ୍କ ଅନୁସାରେ, ସେଠାରେ ଯାହା ଘଟିଥିଲା ତାହା ତାଙ୍କୁ ଗଭୀର ଭାବରେ ମାନସିକ ଅଶାନ୍ତି ଦେଇଥିଲା। “ସେ ଡ୍ରାମା କ୍ଲାସରେ ଖସିପଡ଼ିଥିଲେ। ଯାହାପରେ ଶିକ୍ଷକ ତାଙ୍କୁ ଠେଲି ଦେଇ ସମସ୍ତଙ୍କ ସମ୍ମୁଖରେ ଅପମାନିତ କରିଥିଲେ। ଆଉ କହିଥିଲେ ଯେ ସେ ଅତ୍ୟଧିକ ନାଟକ କରୁଛନ୍ତି” । “ସେମାନେ ତାଙ୍କୁ ଏତେ ଗାଳି ଦେଇଥିଲେ ଯେ ସେ କାନ୍ଦିବାକୁ ଲାଗିଲେ, କିନ୍ତୁ ଶିକ୍ଷକ ତାଙ୍କୁ କହିଥିଲେ ଯେ ସେ ଯେତେ କାନ୍ଦିଲେ ବି ଫରକ ପଡ଼ିବନି।”
ତେବେ ସେ ପରିବାର ପାଇଁ ଏକ ସୁସାଇଡ ନୋଟ ଛାଡ଼ିଯାଇଛନ୍ତି। ତାଙ୍କ ସ୍କୁଲ୍ବ୍ୟାଗ୍ରୁ ଏକ ହାତଲେଖା ସୁଇସାଇଡ୍ ନୋଟ୍ ମିଳିଥିଲା, ଯାହା ସେଠାର ଲୋକମାନଙ୍କୁ ବିଚଳିତ କରିଦେଇଛି। ସେଥିରେ ପିତାମାତାଙ୍କ ପ୍ରତି କୃତଜ୍ଞତା ପ୍ରକାଶ କରିଥିଲେ ଏବଂ ସେମାନଙ୍କ ପାଇଁ ଅଧିକ କିଛି କରିପାରି ନ ଥିବାରୁ ଅନୁତାପ କରିଥିଲେ। ସେହିପରି ଶେଷରେ ପିଲାଟି ଅନୁରୋଧ କରିଥିଲା ଯେ ତାଙ୍କ ଅଙ୍ଗ ଗୁଡ଼ିକୁ ଅନ୍ୟ କାହାକୁ ସାହାଯ୍ୟ କରିବା ପାଇଁ ବ୍ୟବହାର କରାଯାଉ।
