ଟି-୨୦ ବିଶ୍ୱକପ୍ ପାଇଁ ଟିମ୍ ଇଣ୍ଡିଆ ଘୋଷଣା; ଶୁଭମନ ଗିଲ ଦଳରୁ ବାଦ
ନୂଆଦିଲ୍ଲୀ: ଭାରତରେ ହେବାକୁ ଥିବା ଟି-୨୦ ବିଶ୍ୱକପ୍ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି। ଚୟନ କର୍ତ୍ତାମାନେ ଦିନିକିଆ ଏବଂ ଟେଷ୍ଟ ଅଧିନାୟକ ଶୁଭମନ ଗିଲଙ୍କୁ ଦଳରୁ ବାଦ ଦେଇଛନ୍ତି। ପ୍ରକୃତରେ ଗିଲଙ୍କୁ ଦଳରେ ସାମିଲ କରାଯାଇନପାରେ ବୋଲି ଅନେକ ଦିନ ଧରି କଳ୍ପନାଜଳ୍ପନା ଜାରି ରହିଥିଲା। ଯେତେବେଳେ ବିସିସିଆଇ ସଚିବ ଦେବଜିତ ସାଇକିଆ ଆଜି ଦଳ ଘୋଷଣା କରିଥିଲେ ସେତେବେଳ ଗିଲଙ୍କ ନାମ ସାମିଲ ହୋଇନଥିଲା।
ଗତ ୧୮ ଟି-୨୦ ମ୍ୟାଚ୍ ରେ ଗିଲଙ୍କ ପ୍ରଦର୍ଶନ ଖରାପ ରହିଛି। ଏହି ସମୟ ମଧ୍ୟରେ ସେ ଗୋଟିଏ ବି ଅର୍ଦ୍ଧଶତକ ହାସଲ କରିନାହାଁନ୍ତି। ତାଙ୍କର ଏକମାତ୍ର ମ୍ୟାଚ୍ ବିଜୟୀ ଇନିଂସ ୨୦୨୫ ରେ ପାକିସ୍ତାନ ବିପକ୍ଷରେ ଆସିଥିଲା। ଯେଉଁଥିରେ ସେ ୨୮ ବଲ୍ ରୁ ୪୭ ରନ୍ କରିଥିଲେ। ଟପ୍ ଅର୍ଡରରେ ଖେଳି ଗିଲ୍ ରନ୍ କରିପାରିନଥିଲେ। ଏହି ମରୁଡ଼ି ଏତେ ଗୁରୁତର ଥିଲା ଯେ ତାଙ୍କୁ ଆଜି ଟି-୨୦ ବିଶ୍ୱକପ୍ ରୁ ବାଦ ଦିଆଯାଇଥିଲା।ସାମ୍ବାଦିକ ସମ୍ମିଳନୀରେ ଯେତେବେଳେ ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ପଚରାଗଲା ଯେ ଗିଲଙ୍କୁ ତାଙ୍କ ଫର୍ମ ପାଇଁ ନୁହେଁ ବରଂ ଦଳ ମିଶ୍ରଣ ପାଇଁ ଗିଲଙ୍କୁ ବାଦ ଦିଆଯାଇଛି। ସେ କହିଥିଲେ ଯେ ଗିଲଙ୍କୁ ତାଙ୍କ ଫର୍ମ ପାଇଁ ନୁହେଁ ବରଂ ଦଳର ମିଶ୍ରଣ ପାଇଁ ବାଦ ଦିଆଯାଇଛି।
ସେ ଆହୁରି ମଧ୍ୟ କହିଥିଲେ “ଆମେ ଶୀର୍ଷରେ ଜଣେ ୱିକେଟ୍ କିପିଂ ବ୍ୟାଟ୍ସମ୍ୟାନ୍ ଚାହୁଁଥିଲୁ।”ସେପ୍ଟେମ୍ବରରେ ଅନୁଷ୍ଠିତ ଏସିଆ କପ୍ ତାଙ୍କର ପୁନରାଗମନ ସିରିଜ୍ ଥିଲା, କିନ୍ତୁ ସେଠାରେ ମଧ୍ୟ ସେ ଭଲ ପ୍ରଦର୍ଶନ କରିନଥିଲେ। ଗୁରୁବାର ଶେଷ ହୋଇଥିବା ଦକ୍ଷିଣ ଆଫ୍ରିକା ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ସମୟରେ ଗିଲଙ୍କ ପ୍ରଦର୍ଶନ ହାରାହାରି ତଳେ ଥିଲା। ସେ ତିନୋଟି ମ୍ୟାଚ୍ ରେ କେବଳ ୪, ୦ ଏବଂ ୨୮ ରନ୍ କରିଥିଲେ।
