ରିଲ୍ ପାଇଁ କୁମ୍ଭୀର ଉପରେ ଫୋପାଡିଲେ ସୁତୁଲି ବାଣ
କୋଟା, 13|4 : ରାଜସ୍ଥାନର କୋଟାରେ ଜଣେ ଯୁବକଙ୍କ ଏକ ରିଲ୍ ଭିଡିଓକୁ ନେଇ ବିବାଦ ସୃଷ୍ଟି ହୋଇଛି । ସେହି ଭିଡିଓରେ ଯୁବକ ଜଣକ କୁମ୍ଭୀର ଉପରେ ସୁତୁଲି ବାଣ ଫୋପାଡ଼ି ବିପଦଜନକ କାର୍ଯ୍ୟକଳାପ ଦେଖାଇଥିବା ଅଭିଯୋଗ ଆସିଛି । ଏହି ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ବନ ବିଭାଗ ଏହାକୁ ଗୁରୁତର ଭାବେ ନେଇଛି । ବିଭାଗର ଅଧିକାରୀମାନେ କହିଛନ୍ତି ଯେ ଏପରି ଭିଡିଓ ଜନସାଧାରଣଙ୍କୁ ଭ୍ରମିତ କରିପାରେ ଓ ପ୍ରାଣୀ ସୁରକ୍ଷା ନିୟମ ଉଲ୍ଲଂଘନ ହେବାର ସମ୍ଭାବନା ରହିଛି ।
ଏହା ପରେ ବନ ବିଭାଗ ପୋଲିସଙ୍କ ପାଖରେ ଅଭିଯୋଗ ଦାଖଲ କରିଛି । ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ଏବଂ ଯୁବକଙ୍କ ବିରୋଧରେ ଆଇନଗତ କାର୍ଯ୍ୟନୁଷ୍ଠାନ ହେବାର ସମ୍ଭାବନା ରହିଛି । ଅଧିକାରୀମାନେ ସଚେତନ କରିଛନ୍ତି ଯେ ସୋସିଆଲ୍ ମିଡିଆ ପାଇଁ ଏପରି ବିପଦଜନକ କାର୍ଯ୍ୟ କରିବା ଅପରାଧ ଏବଂ ଏଥିରେ କଠୋର ଶାସ୍ତି ମିଳିପାରେ ।
