ଶ୍ରୀମନ୍ଦିର ଗୁମୁଟ ରେ ବସି ଟଙ୍କା ଉଡ଼ାଇଲା ମାଙ୍କଡ…
ପୁରୀ, ୧୪|୪ : ଶ୍ରୀଜଗନ୍ନାଥ ମନ୍ଦିର ପରିସରରେ ଏକ ଅଜଣା ଘଟଣା ଦେଖିବାକୁ ମିଳିଛି । ଶ୍ରୀମନ୍ଦିର ଗୁମୁଟ ଉପରେ ଚଢ଼ି ଏକ ମାଙ୍କଡ ଭକ୍ତମାନଙ୍କ ଟଙ୍କା ନେଇ ଆକାଶରେ ଉଡ଼ାଉଥିଲା । ଏବଂ ତଳେ ଥିବା ଲୋକମାନଙ୍କ ମଧ୍ୟରେ ହଡ଼ଡ଼ୋଳ ସୃଷ୍ଟି ହୋଇଥିଲା । ସୂଚନା ଅନୁସାରେ, ମାଙ୍କଡଟି କେଉଁଠୁ ଆସି ଏକ ୧୦୦ ଟଙ୍କିଆ ନୋଟ୍ ହାତକୁ ପାଇ ଗୁମୁଟ ଉପରକୁ ଚଢ଼ିଯାଇଥିଲା । ପରେ ସେହି ନୋଟକୁ ତଳକୁ ଛାଡ଼ିବା ଆରମ୍ଭ କରିଥିଲା । ଏହା ଦେଖି ତଳେ ଥିବା ଭକ୍ତମାନେ ଟଙ୍କା ଧରିବା ପାଇଁ ଏକାଠି ହୋଇ ହାଉଜାଉ ହେଉଥିଲେ ।
ଘଟଣାସ୍ଥଳରେ ଉପସ୍ଥିତ ସେବାୟତମାନେ ପରିସ୍ଥିତିକୁ ନିୟନ୍ତ୍ରଣ କରି ଶେଷରେ ମାଙ୍କଡଟିକୁ ଟଙ୍କା ସହିତ ଧରିବାରେ ସଫଳ ହୋଇଥିଲେ । ପରେ ଉଦ୍ଧାର ହୋଇଥିବା ୧୦୦ ଟଙ୍କିଆ ନୋଟକୁ ସୁରକ୍ଷିତ ଭାବେ ରଖାଯାଇଥିବାର ସୂଚନା ମିଳିଛି । ଏହି ଘଟଣା କିଛି ସମୟ ପାଇଁ ମନ୍ଦିର ପରିସରରେ ଆତଙ୍କ ଓ ଉତ୍ସୁକତାର ପରିବେଶ ସୃଷ୍ଟି କରିଦେଇଥିଲା । ଭକ୍ତମାନେ ମଧ୍ୟ ଏହି ଅସାମାନ୍ୟ ଘଟଣାକୁ ଦେଖି ଆଶ୍ଚର୍ୟଚକିତ ହୋଇପଡ଼ିଥିଲେ । ସ୍ଥାନୀୟ ଲୋକ ମାନଙ୍କ କହିବା ଅନୁସାରେ, ଶ୍ରୀମନ୍ଦିର ଚାରିପାଖରେ ମାଙ୍କଡମାନଙ୍କ ଉପଦ୍ରବ ବୃଦ୍ଧି ପାଇଥିବାରୁ ଏପରି ଘଟଣା ଆଗକୁ ଆଉ ଘଟିପାରେ ବୋଲି ଆଶଙ୍କା କରାଯାଉଛି । ସେଥିପାଇଁ ପ୍ରଶାସନ ପକ୍ଷରୁ ଯଥାପ୍ରକାର ନିୟନ୍ତ୍ରଣ ନେବାକୁ ଦାବି କରାଯାଉଛି ।
