“ମୁଁ ସେମାନଙ୍କ ସହ ଆଉ କୌଣସି ଡିଲ୍ କରିବାକୁ ଚାହୁଁନାହିଁ”; ତେହେରାନ ସହ ଆଲୋଚନା ‘ସମୟ ନଷ୍ଟ’- ଟ୍ରମ୍ପ
ମଧ୍ୟପ୍ରାଚ୍ୟରେ ପୁଣି ଥରେ ଉତ୍ତେଜନା ଚରମରେ ପହଞ୍ଚିଛି। ଆମେରିକା ଓ ଇରାନ ମଧ୍ୟରେ ଜୁନ୍ରେ ହୋଇଥିବା ଅନ୍ତରୀଣ ଶାନ୍ତି ବୁଝାମଣା ଭାଙ୍ଗିଯାଇଥିବା ବେଳେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଇରାନ ସହ ଆଲୋଚନା ତାଙ୍କ ପାଇଁ ଏବେ ଶେଷ ହୋଇଛି। ସେ କହିଛନ୍ତି, ତେହେରାନ ସହ ଆଲୋଚନା କରିବା କେବଳ “ସମୟ ନଷ୍ଟ” ଏବଂ ଏଥିରୁ କୌଣସି ସକାରାତ୍ମକ ଫଳ ମିଳିବ ବୋଲି ସେ ବିଶ୍ୱାସ କରୁନାହାନ୍ତି।
ତୁର୍କିର ଅଙ୍କାରାରେ ଆୟୋଜିତ ଦୁଇ ଦିନିଆ ନାଟୋ ସମ୍ମିଳନୀ ଏବଂ ହର୍ମୁଜ୍ ପ୍ରଣାଳୀରେ ଟ୍ୟାଙ୍କର ଉପରେ ହୋଇଥିବା ଆକ୍ରମଣର ପ୍ରତିକ୍ରିୟା ସ୍ୱରୂପ ଆମେରିକା ପକ୍ଷରୁ ଇରାନ ଉପରେ ସାମରିକ ଆକ୍ରମଣ ହେବାର କିଛି ଘଣ୍ଟା ପରେ ଟ୍ରମ୍ପ ଏହି ମନ୍ତବ୍ୟ ଦେଇଥିଲେ। ଏହା ଦ୍ୱାରା ଦୁଇ ଦେଶ ମଧ୍ୟରେ ଉତ୍ତେଜନା ଆହୁରି ବଢ଼ିଥିବା ଦେଖାଯାଇଛି।
ତେବେ ଟ୍ରମ୍ପ କହିଛନ୍ତି ଯେ, ଆମେରିକୀୟ ପ୍ରତିନିଧିମାନେ ଚାହିଲେ ଇରାନ ସହ ଆଲୋଚନା ଜାରି ରଖିପାରିବେ, କିନ୍ତୁ ଏହାର ସଫଳତାକୁ ନେଇ ସେ ସନ୍ଦେହ ପ୍ରକାଶ କରିଛନ୍ତି। ସେ କହିଛନ୍ତି, “ସେମାନେ କଥାବାର୍ତ୍ତା କରିପାରିବେ, କିନ୍ତୁ ମୋ ମତରେ ସେମାନେ ନିଜ ସମୟ ନଷ୍ଟ କରୁଛନ୍ତି।” ଇରାନର ନେତୃତ୍ୱକୁ ନେଇ ଟ୍ରମ୍ପ ଏଭଳି କଡ଼ା ମନ୍ତବ୍ୟ ଦେଇଛନ୍ତି।
