ସିଏଚସି ରେ ଫିଜିଓ ଥେରାପି ଓ ଯୋଗ ପ୍ରଶିକ୍ଷକ ନିଯୁକ୍ତି ପାଇଁ ସିଟିଜେନ ଫୋରମ ପକ୍ଷରୁ ଦାବିପତ୍ର।
କଳାହାଣ୍ଡି,୨୧/୦୭
କଳାହାଣ୍ଡି ଜିଲ୍ଲା କୋକସରା ବ୍ଲକ ସିଟିଜେନ ଫୋରମ ପକ୍ଷରୁ ମଙ୍ଗଳବାର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଓଡିଶା ସରକାର ଙ୍କ ଉଦ୍ଦେଶ୍ୟ ରେ କୋକସରା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ରେ ଏକ ଫିଜିଓ ଥେରାପି ସେଣ୍ଟର ଓ ଯୋଗ ପ୍ରଶିକ୍ଷକ ନିଯୁକ୍ତି ପାଇଁ ଏକ ଦାବିପତ୍ର ସିଏଚସି ର ଡାକ୍ତର ଅଭିଷେକ ବେହେରା ଙ୍କ ଜରିଆରେ ପ୍ରଦାନ କରାଯାଇଛି। ବର୍ତ୍ତମାନ ସମୟରେ ବୟସ୍କ ବ୍ୟକ୍ତି ଙ୍କ ମଧ୍ୟରେ ଆଣ୍ଠୁଗଣ୍ଠି ବିନ୍ଧା, ସାଇଟିକା, ଭଳି ବିଭିନ୍ନ ସ୍ନାୟୁ ଜନିତ ରୋଗ କ୍ରମଶଃ ବୃଦ୍ଧି ପାଉଛି ଓ ଏହା ରୋଗ ରେ ଏଲୋପାଥି ଚିକିତ୍ସା ରେ ବ୍ୟୟ ବହୁଳ ଚିକିତ୍ସାଫଳପ୍ରଦ ହେଉନଥିବା ବେଳେ ଏହାର ନିରାକରଣ ପାଇଁ ଫିଜିଓ ଥେରାପି ଓ ଯୋଗ ଚିକିତ୍ସା ପ୍ରଣାଳୀ ଅଧିକ ଫଳପ୍ରଦ ହେଉଥିବା କାରଣରୁ ଏହି ଚିକିତ୍ସା ସୁବିଧା ଯୋଗାଇ ଦେବାକୁ ଦାବି କରାଯାଇଛି। ଦାବିପତ୍ର ପ୍ରଦାନ ସମୟରେ ସିଟିଜେନ ଫୋରମ ର ସଦସ୍ୟ ମିନିକେତନ ପ୍ରଧାନୀ,ବାହାଦୂର ମାଝୀ,ଶ୍ରୀନିବାସ ପ୍ରଧାନୀ, ପଞ୍ଚକ ପୋଢ଼, ନବୀନ ଶବର, ଧବଳେଶ୍ବର ନାଗ, ବିଜୟ କୁମାର ସାହୁ, ରଞ୍ଜିତ ପୋଢ଼, ଅତୁଲ୍ୟ ପ୍ରଧାନୀ,ଧନଞ୍ଜୟ ସାହୁ ପ୍ରମୁଖ ଉପସ୍ଥିତ ଥିଲେ।
