ଏନଏଚ ୨୬ ଚିଲିଗୁଡା ବାଇପାସ ରାସ୍ତା ର ସ୍ଥାୟୀତ୍ୱ ନେଇ ପ୍ରଶ୍ନବାଚୀ, ଉଠି ଗଲାଣି ପିଚୁ ଦବି ଗଲାଣି ରାସ୍ତା।
କୋକସରା,୩୧/୦୭
କଳାହାଣ୍ଡି ଜିଲ୍ଲା କେସିଙ୍ଗା ଜାତୀୟ ରାଜପଥ ୨୬ ଡିଭିଜନ ଅଧୀନରେ କୋକସରା ବ୍ଲକ ଡୋଙ୍ଗରିଗୁଡା ଠାରୁ ଚିଲିଗୁଡା ପର୍ଯ୍ୟନ୍ତ ରାସ୍ତା ନିର୍ମାଣ କାର୍ଯ୍ୟ ଶେଷ ହୋଇଛି। ତେବେ ନିନ୍ମମାନ ର କାର୍ଯ୍ୟ ଯୋଗୁଁ ନିର୍ମାଣର କିଛିମାସ ପରେ ଜାତୀୟ ରାଜପଥ ରାସ୍ତା ଚିଲିଗୁଡା ରେଙ୍ଗାଳପାଲି ନିକଟରେ ଥିବା ପୋଲ ଦୁଇପାର୍ଶ୍ୱ ରେ ଦବି ପିଚୁ ଉଠିବା ସହ ପୋଲ ର ଉଭୟ ପାର୍ଶ୍ଵରେ ଖାଳଖମା ହୋଇ ଯାତ୍ରୀ ପାଇଁ ଦୁର୍ଘଟଣା କୁ ଆମନ୍ତ୍ରଣ କଲା ଭଳି ମନେ ହେଉଛି। କେସିଙ୍ଗା ଏନଏଚ ଡିଭିଜନ ପକ୍ଷରୁ ଜୈନିକ ଠିକାସଂସ୍ଥା ନିର୍ମାଣ କାର୍ଯ୍ୟ ସମ୍ପାଦନ ସମୟରେ ନିନ୍ମମାନ ର କାର୍ଯ୍ୟ ସମ୍ପାଦନ କରୁଥିବା ନେଇ ସେହି ସମୟରେ ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶିତ ହୋଇଥିଲା କିନ୍ତୁ ବିଭାଗୀୟ ଅଧିକାରୀ ଠିକା ସଂସ୍ଥା ଉପରେ କୌଣସି କାର୍ଯ୍ୟାନୁଷ୍ଠାନ ନେବା ତ ଦୂରର କଥା ବରଂ ଠିକା ସଂସ୍ଥା କୁ ପ୍ରୋତ୍ସାହନ ଦେଇଥିଲେ,ଫଳରେ ଠିକା ସଂସ୍ଥା ନିଜ ମାନମାନି ରେ ନିର୍ମାଣ କାର୍ଯ୍ୟ ଶେଷ କରି ଦେଇଥିଲେ। ନିନ୍ମମାନ ର କାର୍ଯ୍ୟ ଯୋଗୁଁ ଏବେ ଚିଲିଗୁଡା ଗ୍ରାମ ଅତିକ୍ରମ କଲାପରେ ରାସ୍ତା ର ଏକ ପୋଲ ଦୁଇପାର୍ଶ୍ୱ ରେ ରାସ୍ତା ଦବି ଯାଇଥିବା ସହ ପୋଲ ର ଉଭୟ ପାର୍ଶ୍ଵରେ ପିଚୁ ଉଠିବା ସହ ଖାଳଖମା ହୋଇ ପଡିଛି। ଏହି ରାସ୍ତା ନିର୍ମାଣ ସମୟରେ ଠିକା ସଂସ୍ଥାର ତ୍ରୁଟିପୂର୍ଣ୍ଣ ନିର୍ମାଣ କାର୍ଯ୍ୟ ଯୋଗୁଁ କୋଟି କୋଟି ଟଙ୍କା ବ୍ୟୟ ଅଟକଳ ରେ ନିର୍ମାଣ ବାଇପାସ ରାସ୍ତା ର ସ୍ଥାୟୀତ୍ୱ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଏନେଇ କେସିଙ୍ଗା ଜାତୀୟ ରାଜପଥ ବିଭାଗ କୋକସରା ବ୍ଲକ ଦାୟିତ୍ୱ ରେ ଥିବା କନିଷ୍ଠ ଯନ୍ତ୍ରୀ କିରଣ କୁମାର ଙ୍କ ପ୍ରତିକ୍ରିୟା ନେବାରୁ ଅଭିଯୋଗ ପରେ ମୁଁ ମଧ୍ୟ ସ୍ଥିତି ଅନୁଧ୍ୟାନ କରିଛି ଓ ଠିକାସଂସ୍ଥା କୁ କୁହାଯାଇଛି,ଆସନ୍ତା ଦିନେ ଦୁଇଦିନ ମଧ୍ୟରେ ଠିକାସଂସ୍ଥା ପକ୍ଷରୁ ପୋଲ ର ଉଭୟ ପାର୍ଶ୍ଵରେ ମରାମତି କାର୍ଯ୍ୟ ସମ୍ପାଦନ ଆରମ୍ଭ କରିବେ ବୋଳି କହିଛନ୍ତି। ତେବେ କୌଣସି ବଡ଼ ଧରଣର ଅଘଟଣ ପୂର୍ବରୁ ରାସ୍ତା ମରାମତି କାର୍ଯ୍ୟ କରିବାକୁ ସ୍ଥାନୀୟ ଅଞ୍ଚଳବାସୀ ମାନେ ଦାବି କରିଛନ୍ତି।
