CBI Chargesheet: IDFC ବ୍ୟାଙ୍କର ୫୦୪ କୋଟି ଟଙ୍କା ଠକେଇ ମାମଲାରେ ୬ IAS ଅଧିକାରୀଙ୍କ ନାଁ, ତୃତୀୟ ଚାର୍ଜଶିଟ୍ ଦାଖଲ
ହରିୟାଣା: ହରିୟାଣା ସରକାରଙ୍କ ବିଭିନ୍ନ ବିଭାଗ ଓ ସଂସ୍ଥା ସହ ଜଡ଼ିତ IDFC ବ୍ୟାଙ୍କର ୫୦୪ କୋଟି ଟଙ୍କା ଠକେଇ ମାମଲାରେ CBI ତୃତୀୟ ଚାର୍ଜଶିଟ୍ ଦାଖଲ କରିଛି। ବୁଧବାର ଦାଖଲ ହୋଇଥିବା ଏହି ଚାର୍ଜଶିଟ୍ରେ ୬ ଜଣ IAS ଅଧିକାରୀଙ୍କ ନାଁ ସାମିଲ କରାଯାଇଥିବା ଅଧିକାରୀମାନେ କହିଛନ୍ତି। ଏହାକୁ ବିଶେଷ CBI କୋର୍ଟରେ ଦାଖଲ କରାଯାଇଛି।
ଚାର୍ଜଶିଟ୍ରେ ତତ୍କାଳୀନ Haryana State Pollution Control Board (HSPCB) ସଦସ୍ୟ ସଚିବ ପ୍ରଦୀପ କୁମାର, ପଞ୍ଚକୁଲାର ତତ୍କାଳୀନ କମିଶନର ରାମ କୁମାର ସିଂହ ଏବଂ Haryana State Agricultural Marketing Board (HSAMB)ର ତତ୍କାଳୀନ ଅଧ୍ୟକ୍ଷ ପଙ୍କଜ ଅଗ୍ରୱାଲଙ୍କ ନାଁ ରହିଛି। ଏହି ତିନି ଅଧିକାରୀଙ୍କୁ ମାମଲାରେ ପୂର୍ବରୁ ଗିରଫ କରାଯାଇଥିଲା।
ଏହା ବ୍ୟତୀତ Haryana Power Generation Corporation Ltd (HPGCL)ର ତତ୍କାଳୀନ ମ୍ୟାନେଜିଂ ଡାଇରେକ୍ଟର ମହମ୍ମଦ ଶାୟିନ୍, ବିକାଶ ଓ ପଞ୍ଚାୟତ ବିଭାଗର ତତ୍କାଳୀନ କମିଶନର ତଥା ସଚିବ ସାକେତ କୁମାର ଏବଂ HSPCBର ତତ୍କାଳୀନ ଅଧ୍ୟକ୍ଷ ବିନୀତ ଗର୍ଗଙ୍କ ନାଁ ମଧ୍ୟ ଚାର୍ଜଶିଟ୍ରେ ରହିଛି। ଏହି ମାମଲାରେ CBIର ତଦନ୍ତ ଜାରି ରହିଥିବା ବେଳେ, ଠକେଇ ସହ ଜଡ଼ିତ ଅନ୍ୟ ପକ୍ଷଗୁଡ଼ିକର ଭୂମିକା ମଧ୍ୟ ଯାଞ୍ଚ କରାଯାଉଛି।
