Chocolate India Gate: PM ମୋଦୀଙ୍କ ପାଇଁ ବେଲଜିୟମ PMଙ୍କ ନିଆରା ଉପହାର, ଭାରତ ପହଞ୍ଚିବା ପୂର୍ବରୁ ତରଳିଗଲା ଚକୋଲେଟ୍ରେ ନିର୍ମିତ India Gate
ନୂଆଦିଲ୍ଲୀ: ଭାରତ-ବେଲଜିୟମ ସମ୍ପର୍କକୁ ଆହୁରି ମଧୁର କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ନିଆରା କୂଟନୈତିକ ଉପହାର ଦେବାକୁ ଚାହିଁଥିଲେ ବେଲଜିୟମ ପ୍ରଧାନମନ୍ତ୍ରୀ ବାର୍ଟ ଡି ୱେଭର। ସେ PM ମୋଦୀଙ୍କ ପାଇଁ ବେଲଜିୟମ ଚକୋଲେଟ୍ରେ ଭାରତର ପ୍ରସିଦ୍ଧ India Gateର ଏକ କ୍ଷୁଦ୍ର ପ୍ରତିକୃତି ପ୍ରସ୍ତୁତ କରାଇଥିଲେ। ଏହି ଉପହାର ମାଧ୍ୟମରେ ଦୁଇ ଦେଶ ମଧ୍ୟରେ ଥିବା ବନ୍ଧୁତ୍ୱକୁ ଏକ ମିଠା ବାର୍ତ୍ତା ଦେବାର ପ୍ରୟାସ କରାଯାଇଥିଲା।
ତେବେ ପ୍ରାୟ ଏକ ଶତାବ୍ଦୀ ଧରି ଦିଲ୍ଲୀରେ ଦୃଢ଼ ଭାବେ ଛିଡ଼ା ହୋଇଥିବା ଅସଲି India Gate ଭଳି ଚକୋଲେଟ୍ରେ ତିଆରି ଏହି ପ୍ରତିକୃତି ଦୀର୍ଘ ଯାତ୍ରା ସହିପାରିଲା ନାହିଁ। ଭାରତରେ ପହଞ୍ଚିବା ପୂର୍ବରୁ ହିଁ ଏହା ତରଳି ଯାଇଥିଲା। ଏହି ଘଟଣାକୁ ନେଇ ବେଲଜିୟମ ପ୍ରଧାନମନ୍ତ୍ରୀ ମଧ୍ୟ ମଜାଳିଆ ଢଙ୍ଗରେ କହିଥିଲେ ଯେ, କୂଟନୀତି ପାଇଁ ଚକୋଲେଟ୍ ଏକ ଭଲ ମାଧ୍ୟମ ହୋଇପାରେ, କିନ୍ତୁ ଏହା ଦୀର୍ଘ ଯାତ୍ରା ପାଇଁ ତିଆରି ନୁହେଁ।
ଏହି ଘଟଣା ଭାରତ-ବେଲଜିୟମ କୂଟନୈତିକ ସମ୍ପର୍କରେ ଏକ ହାଲୁକା ଓ ରୋଚକ ମୁହୂର୍ତ୍ତ ସୃଷ୍ଟି କରିଛି। ଚକୋଲେଟ୍ର India Gate ଭାରତ ପହଞ୍ଚି ନପାରିଥିଲେ ମଧ୍ୟ, ଏହି ନିଆରା ଉପହାର ଦୁଇ ଦେଶର ନେତାଙ୍କ ମଧ୍ୟରେ ବନ୍ଧୁତ୍ୱ ଓ ସଦ୍ଭାବର ଏକ ମଜାଦାର ପ୍ରତୀକ ଭାବେ ଚର୍ଚ୍ଚାକୁ ଆସିଛି।
