Pawan Singh: କୋର୍ଟରେ ହାଜର ହେଲେନି ପବନ ସିଂହ, ଲାଗିଲା ୧ ହଜାର ଟଙ୍କା ଜରିମାନା; ଅକ୍ଟୋବର ୫ରେ ପରବର୍ତ୍ତୀ ଶୁଣାଣି
ବିହାର: ଭୋଜପୁରୀ ଗାୟକ ଓ ଅଭିନେତା ପବନ ସିଂହଙ୍କୁ ନେଇ ଚର୍ଚ୍ଚାରେ ଥିବା ଭରଣପୋଷଣ ମାମଲାରେ ବଲିଆ ପରିବାର ଅଦାଲତ ତାଙ୍କ ଉପରେ ୧ ହଜାର ଟଙ୍କାର ହର୍ଜାନା ଲଗାଇଛନ୍ତି। ନିର୍ଦ୍ଧାରିତ ତାରିଖରେ କୋର୍ଟରେ ହାଜର ନହେବାରୁ ଏହି ଜରିମାନା ଲାଗିଛି। ପବନ ସିଂହଙ୍କ ପତ୍ନୀ ଜ୍ୟୋତି ସିଂହଙ୍କ ପକ୍ଷରୁ ଦାଖଲ ଭରଣପୋଷଣ ଯାଚିକା ସହ ଏହି ମାମଲା ଜଡ଼ିତ ଥିବା ବେଳେ ପ୍ରାୟ ୩ ବର୍ଷ ଧରି ଏହା ଅଦାଲତରେ ବିଚାରାଧୀନ ରହିଛି।
ଜ୍ୟୋତି ସିଂହ ଏହି ମାମଲାରେ ପ୍ରତିମାସ ୫ ଲକ୍ଷ ଟଙ୍କା ଭରଣପୋଷଣ ଦାବି କରିଛନ୍ତି। ମାମଲାର ଶୁଣାଣି ସମୟରେ ପବନ ସିଂହ ହାଜର ନହେବାରୁ ଅଦାଲତ ତାଙ୍କ ଉପରେ ୧ ହଜାର ଟଙ୍କାର ହର୍ଜାନା ଲଗାଇଛନ୍ତି। ଦୀର୍ଘ ସମୟ ଧରି ଚାଲିଥିବା ଏହି ମାମଲାରେ ପରବର୍ତ୍ତୀ ଶୁଣାଣି ତାରିଖ ମଧ୍ୟ ଧାର୍ଯ୍ୟ କରାଯାଇଛି।
ଅଦାଲତ ପବନ ସିଂହଙ୍କୁ ଆଗାମୀ ଅକ୍ଟୋବର ୫ ତାରିଖରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ଜ୍ୟୋତି ସିଂହଙ୍କ ଭରଣପୋଷଣ ଦାବି ଏବଂ ମାମଲାର ପରବର୍ତ୍ତୀ ଆଇନଗତ ପ୍ରକ୍ରିୟା ଉପରେ ଏବେ ନଜର ରହିଛି।
