Thirukkural: Putinଙ୍କୁ ପ୍ରାଚୀନ ତାମିଲ ଗ୍ରନ୍ଥର ରୁଷୀୟ ଅନୁବାଦ ଉପହାର ଦେଲେ ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ନୂଆଦିଲ୍ଲୀରେ BRICS Summit ଅବସରରେ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଭେଟିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଏହି ସାକ୍ଷାତକାର ସମୟରେ ମୋଦୀ ପୁଟିନଙ୍କୁ ପ୍ରାଚୀନ ତାମିଲ ସାହିତ୍ୟର ଅନ୍ୟତମ ପ୍ରସିଦ୍ଧ କୃତି ‘ଥିରୁକ୍କୁରାଲ’ର ରୁଷୀୟ ଅନୁବାଦ ପୁସ୍ତକ ଉପହାର ଦେଇଛନ୍ତି।
ଥିରୁକ୍କୁରାଲ ଥିରୁଭଲ୍ଲୁଭରଙ୍କ ରଚିତ ଏକ ପ୍ରାଚୀନ ତାମିଲ କୃତି। ଏଥିରେ ମୋଟ ୧,୩୩୦ଟି ଦ୍ୱିପଦୀ ରହିଛି। ତାମିଲ ସାହିତ୍ୟର ସଙ୍ଗମ ଯୁଗରେ ଏହାର ରଚନା ହୋଇଥିବା ବିଶ୍ୱାସ କରାଯାଏ, ଯାହାକୁ ସାଧାରଣତଃ ଖ୍ରୀଷ୍ଟପୂର୍ବ ତୃତୀୟ ଶତାବ୍ଦୀରୁ ଖ୍ରୀଷ୍ଟାବ୍ଦ ତୃତୀୟ ଶତାବ୍ଦୀ ମଧ୍ୟର ସମୟ ବୋଲି ଧରାଯାଏ।
ପୁଟିନଙ୍କୁ ଏହି କୃତିର ରୁଷୀୟ ଅନୁବାଦ ଉପହାର ଦେବା ମାଧ୍ୟମରେ ଭାରତର ପ୍ରାଚୀନ ସାହିତ୍ୟ ଓ ସାଂସ୍କୃତିକ ଐତିହ୍ୟକୁ ରୁଷିଆ ସହ ଅଂଶୀଦାର କରିବାର ଏକ ବାର୍ତ୍ତା ଦିଆଯାଇଛି।
