Anwar Ibrahim: ଗାଜାରେ ଇସ୍ରାଏଲର କାର୍ଯ୍ୟକୁ ‘ରାଷ୍ଟ୍ରୀୟ ଆତଙ୍କବାଦ’ କହିଲେ, ପାକିସ୍ତାନ ପ୍ରସଙ୍ଗରେ ଚୁପ୍
ନୂଆଦିଲ୍ଲୀ: ଭାରତ ଗସ୍ତରେ ଥିବା ମାଲେସିଆ ପ୍ରଧାନମନ୍ତ୍ରୀ ଅନୱାର ଇବ୍ରାହିମ୍ ଗାଜାରେ ଇସ୍ରାଏଲର କାର୍ଯ୍ୟକୁ ‘ରାଷ୍ଟ୍ରୀୟ ଆତଙ୍କବାଦ’ ବୋଲି କହିଛନ୍ତି। ତେବେ ଭାରତ-ପାକିସ୍ତାନ ମଧ୍ୟରେ ଆତଙ୍କବାଦ ପ୍ରସଙ୍ଗରେ ପାକିସ୍ତାନକୁ ମଧ୍ୟ ସମାନ ମାନଦଣ୍ଡରେ ଦେଖିବା ନେଇ ପ୍ରଶ୍ନ ହେବାରୁ ସେ ସ୍ପଷ୍ଟ ମତ ଦେଇନଥିବା ଜଣାପଡ଼ିଛି। ଏକ ସ୍ୱତନ୍ତ୍ର ସାକ୍ଷାତକାରରେ ଅନୱାର ଇସ୍ରାଏଲ-ହାମାସ୍ ସଂଘର୍ଷ ଏବଂ ପାଲେଷ୍ଟାଇନ ପ୍ରସଙ୍ଗରେ ନିଜ ମତ ରଖିଥିଲେ।
ପାଲେଷ୍ଟାଇନରେ ଇସ୍ରାଏଲର ‘ଉପନିବେଶବାଦ’ ବନ୍ଦ ହେବା ଦରକାର ବୋଲି ଅନୱାର କହିଛନ୍ତି। ତାଙ୍କ କହିବା ଅନୁସାରେ, ହାମାସ୍ର ଅସ୍ତିତ୍ୱ ପ୍ରାୟ ୨୦ ବର୍ଷର ହୋଇଥିବା ବେଳେ ପାଲେଷ୍ଟାଇନରେ ଉପନିବେଶବାଦର ଇତିହାସ ପ୍ରାୟ ୭୦ ବର୍ଷ ପୁରୁଣା। ମାଲେସିଆ ଓ ଭାରତ ଉଭୟ ଉପନିବେଶବାଦର ଅନୁଭବ ଦେଇ ଯାଇଥିବାରୁ ପାଲେଷ୍ଟାଇନରେ ଇସ୍ରାଏଲର ଉପନିବେଶବାଦକୁ ସମର୍ଥନ କରାଯାଇପାରିବ ନାହିଁ ବୋଲି ସେ କହିଛନ୍ତି।
ଭାରତରେ ଆୟୋଜିତ BRICS Summitରେ ଯୋଗଦେବା ପାଇଁ ଅନୱାର ଇବ୍ରାହିମ୍ ଭାରତ ଆସିଛନ୍ତି। ସାକ୍ଷାତକାର ସମୟରେ ଗାଜା ପ୍ରସଙ୍ଗରେ ସେ ଇସ୍ରାଏଲକୁ କଡ଼ା ଭାବେ ସମାଲୋଚନା କରିଥିବା ବେଳେ, ଭାରତ ବିରୋଧରେ ପାକିସ୍ତାନର ଆତଙ୍କବାଦ ନୀତି ସମ୍ପର୍କିତ ପ୍ରଶ୍ନରେ ସମାନ ଭାବରେ କଠୋର ମତ ରଖିନଥିବା ଘଟଣା ଚର୍ଚ୍ଚାକୁ ଆସିଛି।
