Russian Woman in Bihar: ପ୍ରେମିକଙ୍କୁ ଭେଟିବାକୁ ହଜାର ହଜାର କିଲୋମିଟର ଦଉଡ଼ି ଆସିଲେ ରୁଷୀୟ ଯୁବତୀ, ନଭେମ୍ବରରେ କରିବେ ବିବାହ
ବିହାର: ପ୍ରେମ ପାଇଁ ହଜାର ହଜାର କିଲୋମିଟର ଦୂର ଅତିକ୍ରମ କରି ବିହାରର ଭାଗଲପୁରରେ ପହଞ୍ଚିଛନ୍ତି ଜଣେ ରୁଷୀୟ ଯୁବତୀ। ସୋସିଆଲ ମିଡିଆରେ ଭାଇରାଲ ହେଉଥିବା କିଛି ଭିଡିଓରେ ଯୁବତୀଜଣକ ତାଙ୍କ ପ୍ରେମିକଙ୍କ ଘର ଅଗଣାରେ ବୁଲୁଥିବା ଦେଖାଯାଉଛି। ତାଙ୍କ ପ୍ରେମିକ ଏକ ଛୋଟ କୁଡ଼ିଆରେ ରହୁଥିବା କୁହାଯାଉଛି।
ରିପୋର୍ଟ ଅନୁସାରେ, ଯୁବତୀଜଣକ ନିଜ ପ୍ରେମିକଙ୍କ ସହ ରହିବା ପାଇଁ ରୁଷିଆରୁ ଭାରତ ଆସିଛନ୍ତି। ତାଙ୍କ ଆଗମନକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଥିବା ବେଳେ ସୋସିଆଲ ମିଡିଆରେ ମଧ୍ୟ ଭିଡିଓଗୁଡ଼ିକ ଲୋକଙ୍କ ଧ୍ୟାନ ଆକର୍ଷଣ କରିଛି। ତେବେ ଦୁହିଁଙ୍କ ପରିଚୟ ଓ ସମ୍ପର୍କର ଅନ୍ୟାନ୍ୟ ବିବରଣୀ ସମ୍ପର୍କରେ ଅଧିକ ତଥ୍ୟ ମିଳିନାହିଁ।
ଯୁବତୀଜଣକ ଆସନ୍ତା ନଭେମ୍ବରରେ ପ୍ରେମିକଙ୍କୁ ବିବାହ କରିବାକୁ ପ୍ରସ୍ତୁତ ଥିବା କୁହାଯାଉଛି। ତେବେ ବିବାହର ତାରିଖ କିମ୍ବା ଆନୁଷ୍ଠାନିକ ଯୋଜନା ସମ୍ପର୍କରେ ଏଯାଏଁ ସ୍ପଷ୍ଟ ସୂଚନା ସାମ୍ନାକୁ ଆସିନାହିଁ।
