Maharashtra Murder Case: ସ୍ତ୍ରୀଙ୍କୁ ହତ୍ୟା ଏବଂ ପରେ ରୁମ ହିଟରରେ ଶରୀରରେ ପୋଡା ଦାଗ କରିଥିବା ଅଭିଯୋଗରେ ୩୩ ବର୍ଷୀୟ ଯୁବକ ଗିରଫ, ଅକ୍ଟୋବର ୧୭ ଯାଏଁ ହେପାଜତରେ ନେଲା ପୋଲିସ
ମହାରାଷ୍ଟ୍ର: ମହାରାଷ୍ଟ୍ରର ଏକ ସହରରେ ୩୮ ବର୍ଷୀୟ ବିବାହିତ ମହିଳାଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି। ପୋଲିସର ସୂଚନା ଅନୁସାରେ, ମହିଳାଙ୍କ ପ୍ରେମିକ ତାଙ୍କ ମୁଣ୍ଡରେ ଏକ ଭାରୀ ବସ୍ତୁରେ ଆଘାତ କରିବା ସହ ରୁମ୍ ହିଟର୍ ବ୍ୟବହାର କରି ଶରୀରରେ ପୋଡ଼ା ଦାଗ ସୃଷ୍ଟି କରିଥିବା ଅଭିଯୋଗ ରହିଛି। ଏହା ପରେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିବା ପୋଲିସ କହିଛି।
ଏହି ମାମଲାରେ MIDC ପୋଲିସ ଅଭିଯୁକ୍ତ ଜାଭେଦ ଶେଖ ଶାହିଦ ମନିୟାର (୩୩)ଙ୍କୁ ଉତ୍ତର ମହାରାଷ୍ଟ୍ରର ଜଳଗାଓଁରୁ ଗିରଫ କରିଛି। ମଙ୍ଗଳବାର ତାଙ୍କୁ ଗିରଫ କରାଯାଇଥିବା ବେଳେ ବୁଧବାର ପୋଲିସ ଏନେଇ ସୂଚନା ଦେଇଛି। ଘଟଣାରେ ଅଭିଯୁକ୍ତଙ୍କ ଭୂମିକା ଏବଂ ହତ୍ୟା ପଛର କାରଣ ସମ୍ପର୍କରେ ପୋଲିସ ତଦନ୍ତ କରୁଛି।
ଅଭିଯୁକ୍ତଙ୍କୁ କୋର୍ଟରେ ହାଜର କରାଯିବା ପରେ ଅକ୍ଟୋବର ୧୭ ପର୍ଯ୍ୟନ୍ତ ପୋଲିସ ହେପାଜତକୁ ପଠାଯାଇଛି।
ତଦନ୍ତ ସମୟରେ ଘଟଣାର ପରିସ୍ଥିତି ଓ ଅନ୍ୟାନ୍ୟ ତଥ୍ୟ ଯାଞ୍ଚ କରାଯିବ ବୋଲି ଜଣେ ଅଧିକାରୀ କହିଛନ୍ତି। ତେବେ ହତ୍ୟାର ସଠିକ୍ କାରଣ ସମ୍ପର୍କରେ ପୋଲିସ ପକ୍ଷରୁ ଅଧିକ ବିବରଣୀ ଦିଆଯାଇନାହିଁ।
