West Bengal Coal Mine Rescue: ୫୦ ମିଟର ଗଭୀର ଖଣିରେ ଫସିଥିଲେ ୧୪ ଶ୍ରମିକ, ସମସ୍ତେ ସୁରକ୍ଷିତ ଉଦ୍ଧାର
ପଶ୍ଚିମବଙ୍ଗ: ପଶ୍ଚିମବଙ୍ଗର ପଶ୍ଚିମ ବର୍ଦ୍ଧମାନ ଜିଲ୍ଲାରେ ଏକ କୋଇଲା ଖଣି ଭିତରେ ଫସିଥିବା ୧୪ ଜଣ ଶ୍ରମିକଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ସୋମବାର ଇଷ୍ଟର୍ଣ୍ଣ କୋଲଫିଲ୍ଡସ୍ ଲିମିଟେଡ୍ର କୁମାରଡିହି-ଏ ଭୂତଳ ଖଣିରେ ଏହି ଘଟଣା ଘଟିଥିଲା। ଉଦ୍ଧାର ପରେ ଏହି ଘଟଣାରେ କୌଣସି ଶ୍ରମିକଙ୍କ ମୃତ୍ୟୁ ହୋଇନଥିବା ଅଧିକାରୀମାନେ ସ୍ପଷ୍ଟ କରିଛନ୍ତି।
ଖଣିରେ ଶ୍ରମିକମାନଙ୍କୁ ଉପରକୁ ଆଣିବା ପାଇଁ ବ୍ୟବହୃତ ପୁଲି ବ୍ୟବସ୍ଥାରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ସମସ୍ୟା ସୃଷ୍ଟି ହୋଇଥିଲା। ଦଉଡ଼ିଟି ପୁଲି ଡ୍ରମ୍ରୁ ଖସିଯିବା ପରେ ଶ୍ରମିକମାନେ ପ୍ରାୟ ୫୦ ମିଟର ଗଭୀରତାରେ ଥିବା ଦୁଇଟି ଲିଫ୍ଟିଂ କେଜ୍ ଭିତରେ ଫସି ରହିଥିଲେ। ଫଳରେ ସେମାନଙ୍କୁ ଖଣି ଭିତରୁ ବାହାର କରିବାରେ ବାଧା ସୃଷ୍ଟି ହୋଇଥିଲା।
ଘଟଣା ଜଣାପଡ଼ିବା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା ଏବଂ ସମସ୍ତ ୧୪ ଜଣ ଶ୍ରମିକଙ୍କୁ ସୁରକ୍ଷିତ ଭାବେ ବାହାରକୁ ଅଣାଯାଇଥିଲା। ଯାନ୍ତ୍ରିକ ତ୍ରୁଟି ଯୋଗୁଁ ଘଟିଥିବା ଏହି ଘଟଣାରେ ଜୀବନହାନି ନହେବା ଏକ ଆଶ୍ୱସ୍ତିକର ଖବର। ତେବେ ପୁଲି ବ୍ୟବସ୍ଥାରେ ତ୍ରୁଟିର କାରଣ ସମ୍ପର୍କରେ ଅଧିକାରିକ ତଥ୍ୟ ମିଳିନାହିଁ।
