Ramayana: ଅଯୋଧ୍ୟାରୁ ଓସ୍କାର ମଞ୍ଚକୁ ଯିବ କି ରଣବୀର କପୁରଙ୍କ ଫିଲ୍ମ? ୯୯ତମ ଏକାଡେମୀ ଆୱାର୍ଡ ପାଇଁ ଦାଖଲ ହୋଇଥିବା ରିପୋର୍ଟ
ମୁମ୍ବାଇ: ବଲିଉଡ୍ ଅଭିନେତା ରଣବୀର କପୁରଙ୍କ ଅଭିନୀତ ଫିଲ୍ମ ‘ରାମାୟଣ’କୁ ନେଇ ଏବେ ଆଉ ଏକ ଚର୍ଚ୍ଚା ଆରମ୍ଭ ହୋଇଛି। ନିତେଶ ତିୱାରୀଙ୍କ ନିର୍ଦ୍ଦେଶିତ ଏହି ପୌରାଣିକ ଫିଲ୍ମ ପ୍ରଥମ ସପ୍ତାହରେ ବିଶ୍ୱବ୍ୟାପୀ ୬୬୦ କୋଟି ଟଙ୍କାରୁ ଅଧିକ ଆୟ କରିଥିବା ରିପୋର୍ଟ ହୋଇଥିବା ବେଳେ, ଏବେ ଏହାକୁ ୯୯ତମ ଏକାଡେମୀ ଆୱାର୍ଡସ୍ ବା ଓସ୍କାର ପାଇଁ ବିଚାର ନିମନ୍ତେ ଦାଖଲ କରାଯାଇଥିବା ଖବର ଆସିଛି।
ତେବେ ଏହି ଫିଲ୍ମ ଓସ୍କାର ପାଇଁ ଭାରତର ଅଧିକାରିକ ପ୍ରବେଶିକା ନୁହେଁ। ତଥାପି ଏକାଡେମୀର ନିର୍ଦ୍ଧାରିତ ଯୋଗ୍ୟତା ନିୟମ ପୂରଣ କଲେ, ଏହା ସ୍ୱତନ୍ତ୍ର ଭାବେ ପୁରସ୍କାର ପାଇଁ ବିଚାରକୁ ଆସିପାରିବ। ଏଥିପାଇଁ ଭାରତର ଅଧିକାରିକ ଏଣ୍ଟ୍ରି ହେବା ଅନିବାର୍ଯ୍ୟ ନୁହେଁ।
ଯଦି ଏହି ଖବର ସତ ହୁଏ ଏବଂ ଫିଲ୍ମଟି ଓସ୍କାରର ସମସ୍ତ ଯୋଗ୍ୟତା ମାନଦଣ୍ଡ ପୂରଣ କରେ, ତେବେ ଏହା ଅନ୍ତର୍ଜାତୀୟ ମଞ୍ଚରେ ନିଜର ସ୍ଥାନ ପାଇଁ ଦାବିଦାର ହୋଇପାରିବ। ତେବେ ଓସ୍କାର ପାଇଁ ଚୟନ ହେବ କି ନାହିଁ, ତାହା ଏକାଡେମୀର ପ୍ରକ୍ରିୟା ଓ ନିୟମ ଉପରେ ନିର୍ଭର କରିବ।
